ഗായികയെ മരിച്ച നിലയില്‍ കണ്ടെത്തി

കാസര്‍കോട്: സംഗീത ആല്‍ബങ്ങളിലും സ്‌റ്റേജ് ഷോകളിലും ഏറെ ഗാനങ്ങള്‍ ആലപിച്ചിട്ടുള്ള ഗായിക റെയ്മ ചന്ദ്രനെ(23) മരിച്ചനിലയില്‍ കണ്ടെത്തി. കാസര്‍ക്കോട് ജില്ലയിലെ ഉദുമയില്‍ പിതാവ് താമസിക്കുന്ന ക്വാര്‍ട്ടേഴ്‌സിലാണ് റെയ്മയെ ആത്മഹത്യ ചെയ്ത നിലയില്‍ കണ്ടെത്തിയത്.

വടകരയിലെ മൊകേരി സ്വദേശികളാണ് റെയ്മയും കുടുംബവും. ഉദുമ എഎല്‍പി സ്‌കൂളിലെ പ്രധാനാധ്യാപകനാണ് റെയ്മയുടെ അച്ഛന്‍ ചന്ദ്രന്‍. ഏറെക്കാലമായി നാലാംവാതുക്കലെ ശ്രീരത്‌നം ക്വാട്ടേഴ്‌സിലാണ് റെയ്മയും കുടുംബവും താമസിക്കുന്നത്.

സ്റ്റേജ് പരിപാടികളില്‍ മിക്കതിലും പങ്കെടുക്കാറുള്ള റെയ്മ കൈരളി ചാനലിലെ ഒരു റിയാലിറ്റി ഷോയില്‍ പങ്കെടുത്തിട്ടുണ്ട്. മാപ്പിളപ്പാട്ട് ആല്‍ബങ്ങളിലുള്‍പ്പെടെ ഈ കലാകാരി പാടിയിട്ടുമുണ്ട്.

ഒന്നര വര്‍ഷം മുമ്പാണ് കോഴിക്കോട് സ്വദേശിയായ വനംവകുപ്പ് ഉദ്യോഗസ്ഥനുമായി റെയ്മയുടെ വിവാഹം കഴിഞ്ഞത്, പക്ഷേ അസ്വാരസ്യങ്ങളെത്തുടര്‍ന്ന് ഇവര്‍ രണ്ടുപേരും അകന്നാണ് കഴിയുന്നത്.

കഴിഞ്ഞ ഒരാഴ്ചയോളം റെയ്മയും കുടുംബവും വടകരയിലെ വീട്ടിലായിരുന്നു. കഴിഞ്ഞ ദിവസം പിതാവിനൊപ്പം റെയ്മക്വാട്ടേഴ്‌സിലേയ്ക്ക് തിരിച്ചെത്തുകയും ചെയ്തിരുന്നു. പിതാവ് സ്‌കൂളിലേയ്ക്ക് പോയ സമയത്താണ് ഇവര്‍ ആത്മഹത്യ ചെയ്തതെന്ന് കരുതുന്നു. ഭാമയാണ് റെയ്മയുടെ അമ്മ, സഹോദരന്‍ അമല്‍ ചന്ദ്രന്‍.

English summary

Singer Raima Chandran found dead in father's rented home, at Nalaamvathukkal, Uduma in Kasarcode