കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആടിനെ ബലികൊടുത്തിട്ടും രക്ഷയില്ലാതെ ബന്‍സാല്‍

Google Oneindia Malayalam News

bansal
ദില്ലി: കൈക്കൂലിക്കേസില്‍ മന്ത്രിസ്ഥാനം പോകാതിരിക്കാന്‍ പവന്‍ കുമാര്‍ ബന്‍സാലിന്റെ വക ആടുബലി. ഔദ്യോഗിക വസതിയിലാണ് റെയില്‍വേ മന്ത്രിസ്ഥാനം പോകാതിരിക്കാനായി ബന്‍സല്‍ ആടിനെ ബലി നല്‍കിയത്. എന്നാല്‍ ബന്‍സലിനെ രക്ഷിക്കാന്‍ ആടുബലിക്കും കഴിഞ്ഞില്ല. ബലി നടത്തി അല്‍പസമയത്തിനുശേഷം ബന്‍സാലിന് മന്ത്രിസ്ഥാനം രാജിവെക്കേണ്ടി വന്നു.

കൈക്കൂലി വാങ്ങിയ കേസില്‍ ആടിനെ ബലി കൊടുത്തു രക്ഷപ്പെടാമെന്ന ബന്‍സാലിന്റെ ആശ എന്തായാലും വലിയ വിവാദമായിരിക്കുകയാണ്. ഭാര്യ മധുവും കൂടി ചേര്‍ന്നാണ് ബന്‍സാലിന്റെ ആടുബലിക്കുള്ള ഒരുക്കങ്ങള്‍ നടത്തിയത്. അശോക റോഡിലുള്ള ഔദ്യോഗിക ബംഗ്ലാവിലായിരുന്നു ബലി.

റെയില്‍വേ ബോര്‍ഡ് അംഗമായ മരുമകന്‍ വിജയ് സിംഗ്ല 90 ലക്ഷം രൂപ കൈക്കൂലി വാങ്ങാനുളള ശ്രമത്തിനിടെ പിടിക്കപ്പെട്ടതാണ് ബന്‍സാലിന്റെ മന്ത്രിപ്പണി കളയിച്ചത്. അഴിമതിയില്‍ മുങ്ങിനില്‍ക്കുന്ന യു പി എ സര്‍ക്കാര്‍ മുഖം മിനുക്കാന്‍ നടത്തുന്ന ശ്രമങ്ങളുടെ ഭാഗമായാണ് ബന്‍സാലിനോടും അശ്വിനികുമാറിനോടും മന്ത്രിസഭയില്‍ നിന്നും പുറത്തുപോകാന്‍ ആവശ്യപ്പെട്ടത് എന്നും കരുതുന്നവരുണ്ട്.

മൃഗങ്ങളെ പ്രത്യേകിച്ച് ആടിനെ ബലി കൊടുക്കുന്നത് ഇഷ്ടകാര്യങ്ങള്‍ നടക്കാന്‍ സഹായിക്കുമെന്നും ദേവപ്രീതിയുണ്ടാകുമെന്നും കരുതുന്നവരുണ്ട്. എന്നാല്‍ കൈക്കൂലി വാങ്ങിയ കേസില്‍ സഹായിക്കാന്‍ ആടിനെ ബലി കൊടുത്തിട്ടും കാര്യമില്ല എന്നാണ് റെയില്‍വേമന്ത്രിയായിരുന്ന ബന്‍സാലിന്റെ അനുഭവം തെളിയിക്കുന്നത്.

English summary
Pawan Kumar Bansal sought divine intervention by feeding a goat.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X