വിഎസിന്റെ സ്റ്റാഫംഗങ്ങള് വെറും ആനപ്പിണ്ടങ്ങള്
പുറത്താക്കിയ നടപടി പുന:പരിശോധിക്കാനുള്ള അപേക്ഷ കണ്ട്രോള് കമ്മീഷന് കൊടുക്കില്ലെന്ന് വിഎസ്സിന്റെ പേഴ്സണല് സ്റ്റാഫംഗം എം സുരേഷ് കഴിഞ്ഞ ദിവസം പറഞ്ഞിരുന്നു. കണ്ട്രോള് കമ്മീഷനെ വിശ്വാസമില്ലാത്തതിനാലാണ് ഇത് എന്നായിരുന്നു സുരേഷിന്റെ പ്രസ്താവന. ഇത് സംബന്ധിച്ചാണ് മണിയുടെ പരിഹാസം. പരാതിയുണ്ടെങ്കില് കണ്ട്രോള് കമ്മിറ്റിയില് കൊടുക്കുക അല്ലാതെ വലിയ പുള്ളികളാവാന് ശ്രമിക്കരുത് എന്ന് മണി പറഞ്ഞു.
സിപിഎമ്മിന് വേണ്ടി അഭിപ്രായം പറയാന് പന്ന്യന് രവീന്ദ്രനെയും ബര്ദനെയും ചുമതലപ്പെടുത്തിയിട്ടില്ലെന്ന് പറഞ്ഞ് സി പി ഐക്കിട്ടും മണിയൊന്ന് താങ്ങി. വിഎസ്സിനെ പ്രതിപക്ഷ നേതൃസ്ഥാനത്ത് നിന്ന് മാറ്റുന്നതുമായി ബന്ധപ്പെട്ടുള്ള ചര്ച്ചയില് വിഎസ്സിനു വേണ്ടി അനുകൂലിച്ച പന്ന്യനെയും ബര്ദനെയുമാണ് മണി ലക്ഷ്യം വച്ചത്. നേരത്തെ ഇടുക്കിയിലെ രാഷ്ട്രീയക്കൊലപാതകങ്ങളുമായി ബന്ധപ്പെട്ട് മണി നടത്തിയ പ്രസംഗം വിവാദമായിരുന്നു.