കമിതാക്കള്‍ ഒറ്റക്കയറില്‍ ജീവനൊടുക്കി

നെടുമങ്ങാട്: റബ്ബര്‍ മരക്കൊമ്പില്‍ ഒരു കയറിന്റ രണ്ടു തലങ്ങളിലായി കമിതാക്കള്‍ തൂങ്ങിമരിച്ച നിലയില്‍. 35 കാരനായ ബിജു കുമാറിനെയും 33 കാരിയായ ദീപയെയുമാണ് അഴിക്കോട് ഇസ്ലാം എഡ്യുക്കേഷനല്‍ സൊസൈറ്റി കെട്ടിടത്തിനു സമീപത്തുള്ള എസ്റ്റേറ്റില ആത്മഹത്യ ചെയ്ത നിലയില്‍ കണ്ടെത്തിയത്. വ്യാഴാഴ്ച്ച രാവിലെയാണ് സംഭവം. ഇരുവരും വിവാഹിതരും മക്കളുള്ളവരുമാണ്.

ബിജുകുമാര്‍ അഞ്ചു വര്‍ഷങ്ങള്‍ക്കു മുമ്പ് വിവാഹിതനും അതില്‍ നലു വയസ്സുള്ള ഒരു കട്ടിയുമുണ്ട്. എന്നാല്‍ മൂന്ന് വര്‍ഷമായി ഇയാള്‍ ഭാര്യയുമായി പിണങ്ങി തനിച്ചാണ് താമസം. അനില്‍ രാജിന്റെ ഭാര്യയായ ദീപ ഏഴും അഞ്ചും വയസ്സുള്ള രണ്ട് കുട്ടികള്‍ക്ക് അമ്മയാണ്. ദീപ മലയന്‍കീഴ് ബയോഗ്യസ് കമ്പനിയില്‍ ജീവനക്കാരിയായി ജോലി നോക്കെ അവിടെ വച്ചാണ് ബിജുവിനെ പരിചയപ്പെട്ടതെന്നും പ്രണയത്തിലായതെന്നും പറയപ്പെടുന്നു.

കഴിഞ്ഞ മാസം പതിനേഴിന് ദീപയെ കാണാനില്ല എന്ന പരാതിയെ തുടര്‍ന്നുള്ള അന്വേഷണത്തില്‍ ഇവരെ ബിജുവിനൊപ്പം പിടിച്ചിരുന്നു. കോടതി ഇരുവരെയും വിട്ടയച്ചെങ്കിലും ദീപ കുറച്ചു ദിവസം കാമുകനൊപ്പവും കുറച്ചു ദിവസം ഭര്‍ത്താവിനൊപ്പവുമാണ് താമസിച്ചിരുന്നതെന്ന് നാട്ടുകാര്‍ പറയുന്നു. തുടര്‍ന്നുള്ള ദിവസങ്ങളില്‍ വീട്ടില്‍ സ്ഥിരമായി വഴക്കായിരുന്നെന്നും അറിവായിട്ടുണ്ട്. സംഭവ സ്ഥലത്ത് നെടുമങ്ങാട് പൊലീസ് എത്തി തുടര്‍ നടപടികള്‍ സ്വീകരിച്ചു.

English summary

In Nedumangad lovers killed himself in one rope.