Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഐബിഎന്‍ സര്‍വെയിലും മോഡി തന്നെ താരം
ദില്ലി: പ്രധാനമന്ത്രി സ്ഥാനത്തുനിന്നും മന്‍മോഹന്‍ സിങിനെ മാറ്റണമെന്നും കോണ്‍ഗ്രസ് മുന്നണിയ്ക്ക് ജനങ്ങളുടെ വിശ്വാസം നഷ്ടപ്പെട്ടുവെന്നും സര്‍വെ ഫലം. യുപിഎ സര്‍ക്കാറിന്റെ നാലാം വാര്‍ഷിക ദിനമായ മെയ് 22നോടനുബന്ധിച്ച് സിഎന്‍എന്‍- ഐബി എന്‍ നടത്തിയ 12 നഗരങ്ങളിലായി നടത്തിയ അഭിപ്രായ സര്‍വെയിലാണ് ഈ വെളിപ്പെടുത്തല്‍.
സര്‍വെയില്‍ പങ്കെടുത്ത 61 ശതമാനം പേരും മന്‍മോഹന്‍ സിങിനെ പ്രധാനമന്ത്രികസേരയില്‍ നിന്നു മാറ്റണമെന്ന് നിര്‍ദ്ദേശിച്ചപ്പോള്‍ 37 ശതമാനം പേര്‍ അദ്ദേഹത്തോടൊപ്പം നിന്നു. രണ്ടു ശതമാനം പേര്‍ക്ക് ഇക്കാര്യത്തില്‍ വ്യക്തമായ തീരുമാനമുണ്ടായിരുന്നില്ല.
67 ശതമാനം പേരും യുപിഎ മുന്നണിയുടെ പ്രവര്‍ത്തനങ്ങളില്‍ ശക്തമായ വിയോജിപ്പ് പ്രകടിപ്പിച്ചു. അതേ സമയം തന്നെ നിലവിലുള്ള മറ്റു മുന്നണികള്‍ പരിഗണിക്കുമ്പോള്‍ യുപിഎ എത്രയോ മെച്ചപ്പെട്ടതാണെന്ന അഭിപ്രായമുള്ള 31 ശതമാനം പേരുണ്ടായിരുന്നു.
പ്രധാനമന്ത്രി അഴിമതിക്കാരനാണെന്ന അഭിപ്രായം അധികമാര്‍ക്കുമില്ല. പക്ഷേ, കല്‍ക്കരി കുംഭകോണം പോലുള്ള അഴിമതി മൂടിവെയ്ക്കാന്‍ പ്രധാനമന്ത്രിയുടെ ഓഫിസ് നിരന്തരശ്രമം നടത്തികൊണ്ടിരിക്കുന്നതായി സര്‍വെയില്‍ പങ്കെടുത്തവര്‍ അഭിപ്രായം പ്രകടിപ്പിച്ചു. മന്‍മോഹന്‍സിങിന്റെ വിശ്വാസ്യത ചോദ്യം ചെയ്യപ്പെടുന്ന ഒരു വര്‍ഷമാണ് കടന്നു പോയിരിക്കുന്നതെന്ന അഭിപ്രായമുള്ളവരുമുണ്ട്. കഴിഞ്ഞ നാലുവര്‍ഷം കൊണ്ട് അഴിമതിയുടെ കാര്യത്തില്‍ വന്‍ വര്‍ദ്ധനവാണുണ്ടായിട്ടുള്ളതെന്ന് സര്‍വെയില്‍ പങ്കെടുത്ത 71 ശതമാനം പേരും പറഞ്ഞു.
ആരായിരിക്കണം അടുത്ത പ്രധാനമന്ത്രിയെന്ന ചോദ്യത്തിന് 38 ശതമാനം പേരും നരേന്ദ്രമോഡിയുടെ പേരാണ് രേഖപ്പെടുത്തിയത്. രണ്ടാം സ്ഥാനത്തുള്ള രാഹുല്‍ ഗാന്ധിക്ക് 14 ശതമാനം പേരുടെ പിന്തുണ ലഭിച്ചു. മന്‍മോഹന്‍സിങിന് മൂന്നാം വട്ടം നല്‍കണമെന്ന് 13 ശതമാനം പേരും സോണിയക്ക് ആറു ശതമാനം പേരും എല്‍കെ അഡ്വാനിക്ക് അഞ്ചു ശതമാനം പേരും വോട്ട് ചെയ്തു.
