Click it and Unblock the Notifications
Just In
Don't Miss
-
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര -
IPL 2024: സിഎസ്കെയുടെ വില്ലന് ജഡേജയല്ല, അത് ധോണി! കളി തോല്പ്പിച്ച മണ്ടന് തീരുമാനം ഇതാ -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
സഞ്ജയ് ദത്ത് ഇനി യെര്‍വാഡ ജയിലില്‍
മുംബൈ: 1993 ലെ ബോംബെ സ്‌ഫോടനക്കേസില്‍ ശിക്ഷിക്കപ്പെട്ട ബോളിവുഡ് സൂപ്പര്‍ താരം സഞ്ജയ് ദത്ത് ഇനി യെര്‍വാഡ ജയിലില്‍ കഴിയും. ബുധനാഴ്ചയാണ് ദത്തിനെ യെര്‍വാഡ ജയിലിലേക്ക് മാറ്റിയത്. നേരത്തെ കീഴടങ്ങിയ സഞ്ജയ് ദത്തിനെ ആര്‍തര്‍ റോഡ് ജയിലിലായിരുന്നു സഞ്ജയ് ദത്തിനെ പാര്‍പ്പിച്ചിരുന്നത്.
അതീവ രഹസ്യമായിട്ടായിരുന്നു സഞ്ജയ് ദത്തിനെ യെര്‍വാഡ ജയിലിലേക്ക് മാറ്റിയത് എന്നാണ് റിപ്പോര്‍ട്ട്. ബുധനാഴ്ച അതിരാവിലെ നാലുമണിയോടെയായിരുന്നു ദത്തിനെ മൂന്ന് അകമ്പടി വാഹനങ്ങളോടെ പോലീസ് വാനില്‍ യെര്‍വേഡയില്‍ എത്തിച്ചത്.
ശിക്ഷ ഇളവുചെയ്യാനുള്ള ഹര്‍ജി സുപ്രീം കോടതി തള്ളിയതിനെത്തുടര്‍ന്നാണ് സൂപ്പര്‍താരം വീണ്ടും ജയിലിലേക്ക് എത്തിയത്. കീഴടങ്ങാനുള്ള സമയം ദത്തിന് ഒരിക്കല്‍ നീട്ടിനല്‍കിയ കോടതി രണ്ടാമത്തെ തവണ അപേക്ഷ തള്ളുകയായിരുന്നു.
1993 ലെ ബോംബെ സ്‌ഫോടനക്കേസുകളില്‍ പ്രതിയായ സഞ്ജയ് ദത്തിന് കോടതി 5 വര്‍ഷത്തെ തടവുശിക്ഷയാണ് വിധിച്ചത്. ഇതില്‍ ഒന്നര വര്‍ഷം ദത്ത് നേരത്തെ ജയിലില്‍ ചെലവിട്ടിരുന്നു. ഒന്നരവര്‍ഷത്തെ തടവ് അനുഭവിച്ച് കഴിഞ്ഞതുകൊണ്ട് മൂന്നര വര്‍ഷംകൂടി തടവനുഭവിച്ചാല്‍ മതിയെന്നും കോടതി വിധിച്ചിരുന്നു.
1993 മാര്‍ച്ച് പന്ത്രണ്ടിനാണ് ബോംബെയില്‍ തുടര്‍ച്ചയായി പന്ത്രണ്ട് സ്‌ഫോടനങ്ങളുണ്ടായത്. സ്ഫോടന പരമ്പരയില്‍ 257 പേരാണ് സ്‌ഫോടനത്തില്‍ കൊല്ലപ്പെട്ടത്. കേസില്‍ 11 പ്രതികള്‍ക്ക് വധശിക്ഷയും 22 പേര്‍ക്ക് ജീവപര്യന്തവും കോടതി വിധിച്ചു. കേസിലെ പ്രധാന പ്രതി യാക്കൂബ് മേമന്റെ വധശിക്ഷ സുപ്രീം കോടതിയും ശരിവെച്ചു.
