സന്യാസിയുടെ സെക്സ് വീഡിയോ കാട്ടി ബ്ളാക്ക്മെയില്
കലോള് ആശ്രമത്തിന്റെ പരാതിലഭിച്ചതിനെത്തുടര്ന്ന് പൊലീസ് നടത്തിയ അന്വേഷണത്തിലാണ് മൂന്ന് പേര് പിടിയിലാകുന്നത്. ഇവര് മൂന്ന് പേരും സെക്സ് റാക്കറ്റുമായി ബന്ധമുള്ളവരും സന്യാസിമാര്ക്ക് പെണ്കുട്ടികളെ എത്തിച്ച് കൊടുക്കുന്നവരുമാണ്.
പെണ്കുട്ടികളെ എത്തിച്ച് കൊടുത്തശേഷം അവര് അറിയാതെ തന്നെ കിടപ്പറരംഗങ്ങള് ചിത്രീകരിച്ച ശേഷം , ഇത്തരം ദൃശ്യങ്ങള് കാട്ടി പണം തട്ടുകയാണ് സംഘത്തിന്റെ പതിവ്. ലൈംഗിക വിവാദത്തില് അകപ്പെട്ട സന്യാസിയും , സെക്സ് സിഡിയും പൊലീസ് കണ്ടെത്തി. അറസ്റ്റ് ചെയ്യപ്പെട്ട മുഖ്യ പ്രതികളില് ഒരാളായ ഷാ സെക്സ് റാക്കറ്റിലെ പ്രധാനകണ്ണിയാണ്. ആശ്രമത്തിലേക്ക് പെണ്കുട്ടികളെ എത്തിച്ച് കൊടുക്കുന്നത് ഇയാളായിരുന്നു. അതിനുശേഷം കിടപപ്റരംഗങ്ങള് ചിത്രീകരിച്ച് ഇയാള് പണം കൈക്കലാക്കിയിരുന്നു. സന്യാസിയുടെ വീഡിയോ കാട്ടി 50 ലക്ഷം രൂപയാണ് ഇവര് കൈക്കലാക്കാന് നോക്കിയത്.
സിഡി തങ്ങളുടെ കൈവശമുണ്ടെന്നും റാക്കറ്റിനെപ്പറ്റി കൂടുതല് തെളിവുകള് ലഭിക്കുന്നതിന് സിഡി ഉപയോഗപ്പെടുത്താമെന്നും കേസിന്റെ ചുമതലയുള്ള എസ് പി ജയേന്ദ്രസിംഗ് ജഡേജ പറഞ്ഞു. എന്നാല് ആശ്രമത്തിനുള്ളില് വച്ചല്ല സെക്സ് നടന്നതെന്നും, ഷാ യുടെ മുറിയില് വച്ചാണെന്നും പൊലീസ് പറഞ്ഞു. ഇയാള് സത്രീകളേയും സന്യാസിയേയും സ്വന്തം മുറിയില് എത്തിക്കുകയായിരുന്നു. പ്രതികളുടെ പക്കല് നിന്നും ലാപ്പ് ടോപ്പും സിഡികളും പൊലീസ് പിടിച്ചെടുത്തു.