ഇന്ത്യക്കാരനെ യുഎഇ യില്‍ വധശിക്ഷയ്ക്ക് വിധിച്ചു

ദുബായ്: വീട്ടമ്മയെ കൊലപ്പെടുത്തിയ ഇന്ത്യക്കാരന് വധശിക്ഷ. യു എ ഇ കോടതിയാണ് 28 കാരനായ ഇന്ത്യക്കാരന് വധശിക്ഷ വിധിച്ചിരിയ്ക്കുന്നത്. 2012 അവസാനത്തോട് കൂടിയാണ് സംഭവം നടക്കുന്നത് . വീട്ടമ്മയുടെ കഴുത്തറുത്ത് കൊല്ലുകയായിരുന്നു ദുബായില്‍ അക്കൗണ്ടന്റായ യുവാവ്.

കൊല്ലപ്പെട്ട സ്ത്രീയുടെ ഭര്‍ത്താവിന്റെ കൈയ്യില്‍ നിന്നും ഇയാള്‍ പഴയ വാഷിംഗ് മെഷീന്‍ വാങ്ങിയിരുന്നു. എന്നാല്‍ ഇതിന്റെ രസീത് നല്‍കിയിരുന്നില്ല. രസീത് വാങ്ങുന്നതിനായാണ് യുവാവ് സ്ത്രീയുടെ വീട്ടില്‍ പോയത്. ഭര്‍ത്താവ്പുറത്ത് പോയിരിക്കുകയാണ് മടങ്ങി വന്നാല്‍ മാത്രമേ രസീത് നല്‍കാന്‍ കഴിയൂ എന്ന് യുവതി പറഞ്ഞു.

തനിക്ക് കുടിയ്ക്കാന്‍ ഒരു ഗ്ളാസ് വെള്ളം വേണമെന്ന് ഇയാള്‍ സത്രീയോട് ആവശ്യപ്പെട്ടു. നിമിഷങ്ങള്‍ക്കകം തന്നെ യുവാവ് ആവശ്യപ്പെട്ടത് പോലെ വെള്ളവുമായി യുവതി എത്തി.

തുടര്‍ന്ന് യുവതിയുടെ കൈയ്യില്‍ നിന്നും വെള്ളം വാങ്ങാനെന്ന വ്യാജേന ഒളിപ്പിച്ച് വച്ചിരുന്ന കത്തിയെടുത്ത് കഴുത്ത് മുറിയ്ക്കുകയായിരുന്നു പ്രതി. അതിനുശേഷം സ്ത്രീയുടെ വീട്ടില്‍ നിന്നും ഒരു ബാഗ് നിറയെ ആഭരണങ്ങളും കൈക്കലാക്കി കടന്ന് കളഞ്ഞു.ഇയാള്‍ കടുത്ത സാമ്പത്തിക പ്രതിസന്ധിയിലായിരുന്നു ജീവിച്ച് കൊണ്ടിരുന്നത്. 2012 സെപ്റ്റംബര്‍ 26 നാണ് സംഭവം നടക്കുന്നത്.

വിധിയിന്മേല്‍ 15 ദിവസത്തിനകം യുവാവിന് അപ്പീല്‍ സമര്‍പ്പിക്കാം. അപ്പീല്‍ അംഗീകരിയ്ക്കാത്ത പക്ഷം പ്രതിയെ കൊല്ലും.

English summary

A 28-year-old Indian man has been sentenced to death by a court in the United Arab Emirates (UAE) for murdering a housewife last year