• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

റെയില്‍വേ അഴിമതി; ബന്‍സല്‍ ഹാജരാവാന്‍ സമന്‍സ്

  • By Aswathi
ദില്ലി: റെയില്‍വേ അഴിമതി കേസുമായി ബന്ധപ്പെട്ട് രാജി വച്ച മുന്‍ മന്ത്രി പവന്‍ കുമാര്‍ ബന്‍സലിന് സിബിഐ സമന്‍സ് അയച്ചു. ചോദ്യം ചെയ്യാന്‍ ചൊവ്വാഴ്ച തന്നെ ഹാജരാവണം എന്നാവശ്യപ്പെട്ടു കൊണ്ടാണ് സിബിഐ സമന്‍സ് അയച്ചത്. ഏപ്രില്‍ പതിനാറിന് ബന്‍സല്‍ ആരോപണവിധേയനായ റെയില്‍വേ ഉദ്യോഗസ്ഥന്‍ മഹേഷ് കുമാറുമായി കൂടിക്കാഴ്ച നടത്തിയതിന് സിബിഐക്ക് തെളിവ് ലഭിച്ചതിന്റെ അടിസ്ഥാനത്തിലാണ് ചോദ്യം ചെയ്യലിന് ഹാജരാവാന്‍ നിര്‍ദേശം.

റെയില്‍വേ ബോര്‍ഡ് അംഗം മഹേഷ് കുമാറിന് ഇല്ക്ട്രിക്കല്‍ വിഭാഗത്തിന്റെ ചുമതല വാഗ്ദാനം നല്‍കി 90 ലക്ഷം രൂപ ബന്‍സലിന്റെ അനന്തരവന്‍ വിജയ് സിംഗ്ല കൈക്കൂലി വാങ്ങിയതായാണ് കേസ്. ഈ തുകയുടെ ഒരു വിഹിതം ബന്‍സലിന് ലഭിച്ചതായി സിബിഐ അനുമാനിക്കുന്നു. കോഴത്തുകയയായ പത്തുകോടിയുടെ ആദ്യഗഡുവാണിതെന്ന് സിബിഐ കണ്ടെത്തിയിരുന്നു.

മഹേഷ് കുമാറും ബന്‍സലും ഏപ്രില്‍ 16ന് മുംബൈയില്‍ കൂടിക്കാഴ്ച നടത്തിയതിനു ശേഷമാണ് മഹേഷ് കുമാറിന് ബോര്‍ഡ് അംഗമായി സ്ഥാനക്കയറ്റം ലഭിച്ചത്. ഈ കൂടിക്കാഴ്ച്ചയുടെ തെളിവുകള്‍ സിബിഐക്ക് ലഭിച്ചിട്ടുണ്ട്. അന്വേഷണ ഘട്ടത്തില്‍ പലയിടങ്ങളിലും ബന്‍സലിന്റെ പേര്‍ പരമാര്‍ശിക്കപ്പെട്ടതിനാല്‍ ഇടപാടില്‍ ബന്‍സലിന്റെയും റെയില്‍വേ മന്ത്രാലയത്തിലെ മറ്റ് ഉദ്യോഗസ്ഥരുടെയും പങ്കാണ് സിബിഐ ചോദ്യം ചെയ്യുക.

വിജയ് സിംഗ്ലയും മഹേഷ് കുമാറും ഇടപാടുകാരും നടത്തിയ ഫോണ്‍ സംഭാഷണങ്ങള്‍ ചോര്‍ത്തിയാണ് സിബിഐ കഴിഞ്ഞ മാസം ഇവരെ അറസ്റ്റ് ചെയ്തത്. അഴിമതി കേസില്‍ അനന്തരവന്‍ അറസ്റ്റ് ചെയ്യപ്പെട്ടതോടെ ആരോപണവിധേയനായ ബന്‍സലിനും മന്ത്രിസഭയില്‍ നിന്ന് രാജി വയ്‌ക്കേണ്ടി വന്നു.

English summary
The CBI has summoned former Railway Minister Pawan Kumar Bansal for questioning Tuesday in connection with the railway bribery case.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more