സൗദിയില് ജിന്നിന് ട്വിറ്റര് അക്കൗണ്ട് !
ദുബായ്: ദൈവങ്ങള്ക്കും പ്രേതങ്ങള്ക്കുമൊക്കെ മൊബൈലും ട്വിറ്റര് അക്കൗണ്ടും ഫേസ് ബുക്കും ഉണ്ടായിരുന്നെങ്കില് എത്ര എളുപ്പമായിരുന്നു. നമ്മുടെ ആവശ്യങ്ങള് വളരെ വേഗത്തില് തന്നെ സാധിപ്പിച്ചെടുക്കാമായിരുന്നു. എന്നാല് ഇതാ സൗദിയില് ഒരു ജിന്ന് സ്വന്തമായി ട്വിറ്റര് അക്കൗണ്ട് തുറന്നിരിയ്ക്കുന്നു. മനുഷ്യരുമായി ചങ്ങാത്തം കൂടുന്നതിനും അവരെ മനസിലാക്കുന്നതിനു വേണ്ടിയാണ് താന് അക്കൗണ്ട് തുടങ്ങിയെതെന്നാണ് ജിന്ന് പറയുന്നത്.
സൗദിയിലെ ഒരു പ്രാദേശിക പത്രമാണ് ഇത് സംബന്ധിച്ച വാര്ത്ത നല്കിയിരിക്കുന്നത്. ജിന്നിന്റെ ചിത്രത്തോട് കൂടിയ ട്വിറ്റര് അക്കൗണ്ടും അതിലെ വാചകങ്ങളും പത്രം അതേരൂപത്തില് പ്രസിദ്ധീകരിച്ചിട്ടുണ്ട്. അക്കൗണ്ടിലൂടെ ജിന്ന് പറയുന്നത് ഇതാണ്. ഞാന് ഒരു യഥാര്ത്ഥ ജിന്നാണ്. ലോകത്ത് ആദ്യമായി ട്വിറ്റര് അക്കൗണ്ട് തുടങ്ങുന്ന ജിന്നും ഞാനാണ്. എന്റെ അക്കൗണ്ടില് ഇനി മുതല് നിങ്ങള്ക്ക് പല അദ്ഭുതങ്ങളും കാണാം. എല്ലാവരും എന്നെ സഹോദരനായി കാണണം, ഞാന് ഒരിയ്ക്കലും മനുഷ്യനെ ദ്രോഹിയ്ക്കില്ല, മനുഷ്യരെ എനിക്ക് മനസിലാക്കണം. സൗദിയിലെ ഒരു മരുഭൂമിയിലാണ് എന്റെ വീട് എന്നും ട്വിറ്റര് ജിന്ന് പറയുന്നു.
വാര്ത്ത കണ്ട് കൗതുകം തോന്നിയ ഒരാള് ജിന്നിനെ ഒന്ന് പറ്റിയ്ക്കാന് തീരുമാനിച്ചു. വ്യാജ അക്കൗണ്ട് ഉണ്ടാക്കി ജിന്നുമായി ചങ്ങാത്തം തുടങ്ങി. എന്നാല് സെക്കന്റുകള്ക്കകം തന്നെ വ്യാജന്റെ യഥാര്ത്ഥ പേരും താമസ സ്ഥലും എന്തിനേറെ പറയുന്നു അയല്ക്കാരുടെ പേര് വരെ ജിന്ന് പറഞ്ഞ് കൊടുത്തു.