Click it and Unblock the Notifications
Just In
Don't Miss
-
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ജാമ്യാപേക്ഷയുമായി ശ്രീശാന്ത് കോടതിയില്‍
ദില്ലി: ഐ പി എല്‍ ഒത്തുകളിക്കേസില്‍ കസ്റ്റഡിയില്‍ കഴിയുന്ന മലയാളി താരം ശ്രീശാന്തിന്റെ ജാമ്യാപേക്ഷ സാകേത് കോടതി വെള്ളിയാഴ്ച പരിഗണിക്കും. മജിസ്‌ട്രേറ്റ് കോടതിയിലാണ് ശ്രീശാന്ത് ജാമ്യാപേക്ഷ നല്‍കിയതെങ്കിലും മക്കോക വകുപ്പ് കൂടി ചേര്‍ക്കപ്പെട്ട പശ്ചാത്തലത്തിലാണ് സാകേത് കോടതി ജാമ്യാപേക്ഷ പരിഗണിക്കുന്നത്.
എന്നാല്‍ മക്കോക നിയമം കൂടി ചേര്‍ക്കപ്പെട്ട സാഹചര്യത്തില്‍ ശ്രീശാന്തിന് ജാമ്യം കിട്ടുന്ന കാര്യം സംശയമാണ് എന്നാണ് റിപ്പോര്‍ട്ട്. ജൂണ്‍ 18 വരെയാണ് കഴിഞ്ഞ ദിവസം കോടതി ശ്രീശാന്തിനെ ജുഡീഷ്യല്‍ കസ്റ്റഡിയില്‍ വിട്ടിരുന്നത്. ഐ പി എല്‍ ഒത്തുകളികളില്‍ അധോലോകത്തിനും പങ്കുണ്ട് എന്ന് കാട്ടിയാണ് ദില്ലി പോലീസ് പിടിയിലായവര്‍ക്കെതിരെ മക്കോക വകുപ്പും ചേര്‍ത്തത്.
ശ്രീശാന്തിനൊപ്പം പിടിയിലായ ചവാനും ചന്ദിലയും ഇടനിലക്കാരന്‍ ജിജു ജനാര്‍ദ്ദനനും അടക്കം 16 പേരുടെ ജാമ്യാപേക്ഷ കോടതി വെള്ളിയാഴ്ച പരിഗണിക്കുന്നുണ്ട്. രാജസ്ഥാന്‍ റോയല്‍സിന്റെ കളിക്കാരായിരുന്നു പിടിയിലായ ശ്രീശാന്തും ചവാനും ചന്ദിലയും. എന്നാല്‍ ഒത്തുകളിച്ചിട്ടുണ്ട് എന്ന് രാജസ്ഥാന്‍ ടീമുടമയായ രാജ് കുന്ദ്രതന്നെ പോലീസിനോട് സമ്മതിച്ചിട്ടുള്ള സ്ഥിതിക്ക് കേസ് ഏതുവഴിയിലാണ് തിരിയുക എന്ന് കാത്തിരുന്നു കാണണം.
ഒത്തുകളിക്കേസില്‍ പിടിയിലായ ബോളിവുഡ് താരം വിന്‍ധു ധാരാസിംഗ്, ചെന്നൈ സൂപ്പര്‍ കിംഗ്‌സ് സി ഇ ഒ ആയിരുന്ന ഗുരുനാഥ് മെയ്യപ്പന്‍ എന്നിവര്‍ക്ക് മുംബൈ കോടതി കഴിഞ്ഞ ദിവസം ജാമ്യം അനുവദിച്ചിരുന്നു. ഈ സാഹചര്യത്തില്‍ ശ്രീശാന്തിനും കൂട്ടര്‍ക്കും ജാമ്യം ലഭിച്ചേക്കും എന്നും പ്രതീക്ഷകള്‍ ഉണ്ടായിരുന്നു. എന്നാല്‍ മക്കോക വകുപ്പ് ചുമത്തപ്പെട്ട സ്ഥിതിക്ക് ജാമ്യം എളുപ്പമല്ല എന്നാണ് നിയമവിദഗ്ധര്‍ നല്‍കുന്ന സൂചന.
