മൊബൈല് ചാര്ജ് ചെയ്യാന് വസ്ത്രം
മുംബൈ: ഇനി മൊബൈല് ഫോണുകള് നടന്ന് കൊണ്ട് ചാര്ജ് ചെയ്യാം. അതിനായി പ്രത്യേകതരം ഷോര്ട്ട്സുകള് ശാസ്ത്രജ്ഞര് വികസിപ്പിച്ചെടുത്തു. ഈ ഷോര്ട്ട്സുകള് ധരിച്ച ശേഷം നടന്ന് കൊണ്ട് തന്നെ മൊബൈല് ഫോണുകള് ചാര്ജ് ചെയ്യാം എന്നതാണ് കണ്ടെത്തല്.
നാല് മണിക്കൂര് വരെ ഇത്തരത്തില് ഉത്പ്പാദിപ്പിക്കുന്ന വൈദ്യുതി കൊണ്ട് ഫോണ് ചാര്ജ്ചെയ്യാന് സാധിയ്ക്കുമെന്നാണ് അവകാശവാദം. വസ്ത്രം നിര്മ്മിച്ചിരിക്കുന്ന തുണിയുടെസവിശേഷത കൊണ്ട് നാം നടക്കുമ്പോള് രൂപപ്പെടുന്ന ഊര്ജത്തെ അത് വൈദ്യുതിയാക്കി മാറ്റുകയും മൊബൈല് ചാര്ജ് ചെയ്യാന് സഹായിക്കുകയും ചെയ്യുന്നു.
പരിപാടികളിലും പൊതുചടങ്ങുകളിലും പങ്കെടുത്ത് കൊണ്ടിരിയ്ക്കുമ്പോള് മൊബൈലിലെ ചാര്ജ് തീരുന്നത് പലരെയും അലട്ടുന്ന പ്രശനമാണ്. അതിനാല് ഈ പ്രശ്നം പരിഹരിയ്ക്കുന്നതിനായി കൂടുതല് പരീക്ഷണങ്ങള് ഇതുമായി ബന്ധപ്പെട്ട മേഖലയില് നടത്തുമെന്ന് വൊഡാഫോണ് കമ്മ്യൂണിക്കേഷന് ഡയറക്ടര് അറിയിച്ചു.