ജിഹാദികള്‍ ട്വിറ്റര്‍ ദുരുപയോഗം ചെയ്യുന്നു

മുസ്ലീം തിവ്രവാദസംഘടനകള്‍ മൈക്രോ ബ്ലോഗിങ് സൈറ്റായ ട്വിറ്ററിനെ വന്‍തോതില്‍ ഉപയോഗപ്പെടുത്തുന്നതായി റിപ്പോര്‍ട്ട്. കഴിഞ്ഞ അഞ്ചു വര്‍ഷത്തിനുള്ളില്‍ സോഷ്യല്‍ നെറ്റ്‌വര്‍ക്കിങ് സൈറ്റുകളില്‍ നിര്‍ണായക സ്വാധീനം നേടാന്‍ മുസ്ലീം മതമൗലികസംഘടനകള്‍ക്ക് സാധിച്ചിട്ടുണ്ട്.

ഖലീഫയ്ക്കുവേണ്ടിയുള്ള ട്വീറ്റുകള്‍ എന്നു പേരിട്ടിട്ടുള്ള പഠനത്തിനായി 70000 ട്വീറ്റുകളാണ് പരിശോധിച്ചത്. നികോ പ്രുച്ചോ, അലി ഫിഷര്‍ എന്നിവരാണ് പഠനത്തിന് നേതൃത്വം നല്‍കിയത്.
അല്‍ക്വയ്ദ വെബ് ഫോറങ്ങളില്‍ നിന്നുള്ള ലിങ്കുകളാണ് പ്രധാനമായ ഷെയര്‍ ചെയ്യപ്പെടുന്നത്. വിധ്വംസക പ്രവര്‍ത്തന മേഖലകളിലുള്ളവരെ എളുപ്പത്തില്‍ ഒന്നിപ്പിക്കാന്‍ ട്വിറ്റര്‍ മൂലം സാധിക്കുന്നു.

കഴിഞ്ഞ കാലങ്ങളില്‍ നിന്നു വ്യത്യസ്തമായി ആള്‍നാശമില്ലാത്ത ആക്രമണങ്ങള്‍ നടത്താന്‍ തീവ്രവാദസംഘടനകള്‍ ശ്രമിക്കുന്നതും ഇതിന്റെ ഭാഗമായാണ്. ഏതെങ്കിലും ഒരു പ്രത്യേക വിഷയത്തില്‍ പക്ഷപാതപരമായ വ്യാഖ്യാനങ്ങള്‍ കണ്ടെത്താനും അത് സോഷ്യല്‍ മീഡിയകളിലൂടെ പമ്പ് ചെയ്യാനും ജനങ്ങളുടെ അഭിപ്രായങ്ങളില്‍ സ്വാധീനം ചെലുത്താനും ഇതു മൂലം സാധിക്കുന്നു.

English summary

Twitter has become the new edge for jihadist propaganda according to a review of more than 75,000 tweets in a leading counterterrorism journal.