കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സോളാറില്‍ മമ്മൂട്ടിയെ പെടുത്തേണ്ട: ഫാന്‍സ്

  • By Lakshmi
Google Oneindia Malayalam News

Mammootty
മമ്മൂട്ടിയും തന്റെ കസ്റ്റമറാണെന്ന സോളാര്‍ തട്ടിപ്പുകാരി സരിതാ എസ് നായരുടെ വെളിപ്പെടുത്തലിനെതിരെ മമ്മൂട്ടി ഫാന്‍സും അദ്ദേഹവുമായി അടുപ്പമുള്ളവരും രംഗത്ത്. സരിതയുമായി മമ്മൂട്ടിയ്ക്ക് യാതൊരു ബിസിനസ് ഇടപാടുമില്ലെന്ന് അദ്ദേഹവുമായി ബന്ധപ്പെട്ട വൃത്തങ്ങള്‍ വെളിപ്പെടുത്തി. സരിതയുടെ പരിചയവൃന്ദത്തില്‍ മമ്മൂട്ടിയില്ലെന്നും മമ്മൂട്ടിയുടെ പേരുമായി ബന്ധപ്പെടുത്തി ഇക്കാര്യത്തില്‍ ചര്‍ച്ചയുടെ ആവശ്യമില്ലെന്നും ഫാന്‍സ് അസോസിയേഷനും അദ്ദേഹത്തോട് അടുപ്പമുള്ളവരും വ്യക്തമാക്കി.

കഴിഞ്ഞ ദിവസങ്ങളില് സോളാര്‍ തട്ടിപ്പുകേസ് ചൂടേറിനിന്നപ്പോഴാണ് സരിത നായര്‍ മമ്മൂട്ടി തന്റെ കസ്റ്റമറാണെന്ന് വെളിപ്പെടുത്തിയെന്ന് റിപ്പോര്‍ട്ടുകള്‍ വന്നത്. സരിത അബ്ദുള്‍ മജീത് എന്നൊരാളുമായി നടത്തിയ ഫോണ്‍ സംഭാഷണത്തിലായിരുന്നു മമ്മൂട്ടി തന്റെ കസ്റ്റമറാണെന്ന് സരിത അവകാശപ്പെട്ടത്. ലക്ഷ്മി നായര്‍ എന്ന പേരിലാണ് സരിത തട്ടിപ്പിനിരയായ അബ്ദുള്‍ മജീദിനോട് സംസാരിച്ചിരുന്നത്.

മമ്മൂട്ടിയുള്‍പ്പെടെ കൊച്ചിയിലെ പലപ്രമുഖരെയും തനിയ്ക്കറിയാമെന്ന് അബ്ദുള്‍ മജീദ് പറഞ്ഞതിന് മറുപടിയായിട്ടാണ് സരിത മമ്മൂട്ടി തന്റെ കസ്റ്റമറാണെന്ന് പറഞ്ഞത്. സരിത മമ്മൂട്ടിയെക്കുറിച്ച് പറഞ്ഞ ഇല്ലാവചനത്തിനെതിരെ അദ്ദേഹത്തിന്റെ ആരാധകര്‍ സോഷ്യല്‍മീഡിയയിലും മറ്റും രൂക്ഷമായി പ്രതികരിച്ചിട്ടുണ്ട്.

English summary
Mammootty's fans attacking Solar Fraud case accused Saritha S Nair on social networks.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X