കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ബിജെപി വര്‍ഗ്ഗീയ കലാപത്തിനെന്ന് ദിഗ് വിജയ് സിങ്

  • By Soorya Chandran
Google Oneindia Malayalam News

ബാംഗ്ലൂര്‍: വരാനിരിക്കുന്ന പൊതു തിരഞ്ഞെടുപ്പ് ലക്ഷ്യമാക്കി ബിജെപി വര്‍ഗ്ഗീയ കലാപങ്ങള്‍ ഉണ്ടാക്കാന്‍ ഒരുങ്ങുകയാണെന്ന് മുതിര്‍ന്ന കോണ്‍ഗ്രസ് നേതാവും എഐസിസി ജനറല്‍ സെക്രട്ടറിയും ആയ ദിഗ് വിജയ് സിങ് ആരോപിച്ചു. കര്‍ണാടക പ്രദേശ് കോണ്‍ഗ്രസ് കമ്മിറ്റിയുടെ ജനറല്‍ ബോഡി യോഗത്തിലാണ് ദ്വിഗ് വിജയ് സിങ് ഇത്തരമൊരു ആരോപണം ഉന്നയിച്ചത്.

സമൂഹത്തെ വര്‍ഗ്ഗീയവത്കരിക്കാതെ 2014 ലെ ലോക്‌സഭാ തിരഞ്ഞെടുപ്പില്‍ വിജയിക്കാനാവില്ലെന്ന് ബിജെപിക്ക് ഉറപ്പുണ്ട്. അതുകൊണ്ടാണ് കോണ്‍ഗ്രസ് ഭരിക്കുന്ന സംസ്ഥാനങ്ങിലെല്ലാം വലിയ വര്‍ഗ്ഗീയ കലാപങ്ങള്‍ ഉണ്ടാക്കാന്‍ ബിജെപി പദ്ധതിയിടുന്നതെന്ന് അദ്ദേഹം പറഞ്ഞു.

Digvijaya Singh

കാര്‍ണാടക കോണ്‍ഗ്രസ്സിന്റെ ചുമതല അടുത്തിടെയാണ് ദിഗ് വിജയ് സിങിന് നല്‍കിയത്. വര്‍ഗ്ഗീയ പ്രശ്‌നങ്ങളില്‍ ജാഗ്രതപുലര്‍ത്തണമെന്നും ഒരു കാരണവശാലും വര്‍ഗ്ഗീയ സംഘര്‍ഷങ്ങള്‍ ഉടലെടുക്കാന്‍ അനുവദിക്കരുതെന്നും ദിഗ് വിജയ് സിങ് സംസ്ഥാനം ഭരിക്കുന്ന കോണ്‍ഗ്രസ് സര്‍ക്കാരിനോട് ആവശ്യപ്പെട്ടിട്ടുണ്ട്. വര്‍ഗ്ഗീയ സംഘര്‍ഷങ്ങളെ ഏത് വിധേനയും അടിച്ചമര്‍ത്തുമെന്ന് മുഖ്യമന്ത്രി സിദ്ധരാമയ്യ ഉറപ്പ് നല്‍കിയിട്ടുമുണ്ട്.

ഒമ്പത് വര്‍ഷത്തിന് ശേഷമാണ് കര്‍ണാടകയില്‍ കോണ്‍ഗ്രസ്, സംസ്ഥാന ഭരണം പിടിച്ചെടുക്കുന്നത്. യെദ്യൂരപ്പയുടെ രാജിയും പുതിയ പാര്‍ട്ടി രൂപീകരിക്കലും ഒക്കെയായി ബിജെപി കടുത്ത പ്രതിസന്ധിയിലായിരുന്നു മെയ് മാസത്തില്‍ നിയമ സഭാ തിരഞ്ഞെടുപ്പ് നടക്കുമ്പോള്‍. ഇതേതുടര്‍ന്നാണ് കോണ്‍ഗ്രസ് അഗികാരത്തിലെത്തിയത്.

യെദ്യൂരപ്പയെ ബിജെപിയിലേക്ക് തിരിച്ചുകൊണ്ടുവരാനുള്ള നീക്കങ്ങള്‍ സജീവമാണ്. യെദ്യൂരപ്പ തിരിച്ചെത്തിയാല്‍ പൊതു തിരഞ്ഞെടുപ്പില്‍ കോണ്‍ഗ്രസ്സിന്റെ നില പരുങ്ങലിലാകുമെന്നാണ് വിലയിരുത്തപ്പെടുന്നത്.

English summary
Congress leader Digvijaya Singh on Tuesday claimed that the BJP might organise communal riots in Congress-ruled states in the hope of winning Lok Sabha elections due in 2014.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X