Click it and Unblock the Notifications
Just In
Don't Miss
-
IPL 2024: സായ് 19ാം ഓവറില്, മണ്ടന് തീരുമാനം ഗില്ലിന്റെയല്ല! അത് നെഹ്റയുടേത്; തന്ത്രം പാളി -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
വടക്കന്‍ ശ്രീലങ്കയില്‍ തിരഞ്ഞെടുപ്പ്
കൊളംബൊ: വിഘടന തീവ്രവാദം ഏതാണ്ട് ഒടുങ്ങിയ വടക്കന്‍ ശ്രീലങ്കയില്‍ പ്രാദേശിക തിരഞ്ഞെടുപ്പ് നടത്താന്‍ ഒരുങ്ങുകയാണ് ശ്രീലങ്ക ഭരണകൂടം. വടക്കന്‍ ശ്രീലങ്കയിലെ കലാപം അവസാനിച്ച 2009 മുതല്‍ ഐക്യരാഷ്ട്ര സഭ ഈ ആവശ്യം ഉന്നയിയ്ക്കുന്നതാണ്. 2013 സംപ്തംബറിലായിരിയ്ക്കും തിരഞ്ഞെടുപ്പ്.
വിഘടനവാദികളെ തുരത്തിയ ശേഷം ജാഫ്ന മുനന്പ് പ്രദേശങ്ങള്‍ സൈന്യത്തിന്റെ നിയന്ത്രണത്തിലായിരുന്നു. ഈ പ്രദേശത്ത് നിന്ന് സൈന്യത്തെ പിന്‍വലിയ്ക്കണമെന്ന് പടിഞ്ഞാറന്‍ രാജ്യങ്ങള്‍ ആവശ്യപ്പെട്ടെങ്കിലും ശ്രീലങ്ക ഇതിന് വഴങ്ങിയിരുന്നില്ല.
പ്രൊവിന്‍ഷ്യല്‍ കൗണ്‍സില്‍ തിരഞ്ഞെടുപ്പ് നടത്താനായി ശ്രീലങ്ക രാഷ്ട്രപതി മഹിന്ദ രാജപക്ഷെ വിജ്ഞാപനം പുറപ്പെടുവിച്ചതായി സര്‍ക്കാരിന്റെ വിവര വിതരണ വിഭാഗം ഡയറക്ടര്‍ ജനറല്‍ അരിയരാന്തെ അതുഗല ആണ് അറിയിച്ചത്. സെപ്തംബര്‍ 21നോ 28 നോ ആയിരിയ്ക്കും തിരഞ്ഞെടുപ്പ്.
വിഘടന വാദികള്‍ക്കെതിരെ ശ്രീലങ്കയുടെ സൈന്യം നടത്തിയ ആക്രമണങ്ങളില്‍ ആയിരക്കണക്കിന് പാവപ്പെട്ട തമിഴരാണ് മരിച്ചത്. തമിഴ് വംശജരുടെ മാനുഷിക അവകാശങ്ങള്‍ ധ്വംസിച്ചതായി ഐക്യരാഷ്ടസഭ പലതവണ വ്യക്തമാക്കിയിരുന്നു. ശ്രീലങ്കയില്‍ നടന്ന കൊലകളെ കുറിച്ചും ആളുകള്‍ കാണാതായതിനെ കുറിച്ചും വിശ്വസനീയമായ അന്വേഷണം നടത്തണമെന്ന് യു എന്‍ എച്ച് ആര്‍ സി (United Nations Human Rights Council) മാര്‍ച്ചില്‍ ആവശ്യപ്പെട്ടിരുന്നു.
വിഘടന തീവ്രവാദം വടക്കന്‍ ശ്രീലങ്കയില്‍ വീണ്ടും കൊണ്ടുവരാന്‍ എല്‍ ടി ടി ഇ ശ്രമിയ്ക്കുന്നുണ്ട്. ഇത് തടയാന്‍ ഈ പ്രദേശത്ത് സൈനിക സന്നാഹങ്ങള്‍ ആവശ്യമാണെന്നാണ് ശ്രീലങ്ക നിരന്തരം ഉന്നയിയ്ക്കുന്ന വാദം. എല്‍ ടി ടി ഇ യുടെ നിയന്ത്രണത്തിലായിരുന്ന പ്രദേശങ്ങളിലാണ് ഇപ്പോള്‍ പ്രാദേശിക തിരഞ്ഞെടുപ്പ് നടത്തുന്നത്.
