'രാഹുലിനെ പ്രധാനമന്ത്രി സ്ഥാനാര്ത്ഥിയാക്കില്ല'
കര്ണാടക അസംബ്ലി തിരഞ്ഞെടുപ്പിലും പാര്ട്ടി മുഖ്യമന്ത്രി സ്ഥാനത്തേക്ക് ആരെയും ഉയര്ത്തിക്കാട്ടിയിരുന്നില്ല - ദിഗ് വിജയ് സിംഗ് പറഞ്ഞു. വരുന്ന തിരഞ്ഞെടുപ്പിന് ശേഷവും പ്രധാനമന്ത്രിയായി കോണ്ഗ്രസ് മന്മോഹന് സിംഗിനെ നിലനിര്ത്തുമോ എന്ന ചോദ്യത്തിന് മറുപടി പറയാന് അദ്ദേഹം പക്ഷേ തയ്യാറായില്ല.
എന്തുകൊണ്ടാണ് രാഹുല് ഗാന്ധിയെ കോണ്ഗ്രസ് പ്രധാനമന്ത്രി സ്ഥാനാര്ത്ഥിയായി ഉയര്ത്തിക്കാട്ടാത്തത് എന്ന ചോദ്യത്തോട് പ്രതികരിക്കുകയായിരുന്നു അദ്ദേഹം. ബി ജെ പി മോഡിയെ പ്രധാനമന്ത്രി സ്ഥാനത്തേക്ക് ഉയര്ത്തിക്കാണിക്കുന്നതിനോട് പ്രതികരിക്കാനില്ല എന്നും അദ്ദേഹം പറഞ്ഞു.
അതില് ഞങ്ങള്ക്കൊന്നുമില്ല. ബി ജെ പിയുടെ ആഭ്യന്തരകാര്യമാണത്. ആരെ വേണമെങ്കിലും പ്രധാനമന്ത്രി സ്ഥാനാര്ത്ഥിയാക്കാന് അവര്ക്ക് സ്വാതന്ത്ര്യമുണ്ട്. നിതീഷ് കുമാറിന്െ ജെ ഡി യുവിന്റെ കാര്യത്തില് തീരുമാനമെടുക്കേണ്ടത് പാര്ട്ടി ഹൈക്കമാന്ഡാണ്. തിരഞ്ഞെടുപ്പിന് ശേഷം ഇടതുപാര്ട്ടികളുമായി സഖ്യമുണ്ടാകുന്നതിനെക്കുറിച്ചുള്ള സാധ്യതകള് തള്ളിക്കളയാനാകില്ല എന്നും അദ്ദേഹം പറഞ്ഞു.