കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഉത്തരയെ സരിതയ്ക്ക് പരിചയപ്പെടുത്തിയത് ആര്?

  • By Aswathi
Google Oneindia Malayalam News

തിരുവനന്തപുരം: ഊര്‍മ്മിള ഉണ്ണിയുടെ മകളും യുവ നടിയുമായ ഉത്തരാ ഉണ്ണിയെ സോളാര്‍ തട്ടിപ്പിലെ രണ്ടാം പ്രതി സരിത എസ് നായര്‍ക്ക് പരിചയപ്പെടുത്തിക്കൊടുത്തത് മുന്‍മന്ത്രി കെബി ഗണേഷ് കുമാറാണെന്ന് റിപ്പോര്‍ട്ടുകള്‍.

സരിത സ്‌പോണ്‍സര്‍ ചെയ്ത പാളയം പൊലീസ് ക്വാര്‍ട്ടേഴ്‌സിലെ പരിപാടിക്ക് ഉത്തര എത്തിയത് മന്ത്രി ഗണേഷ് കുമാര്‍ ഉത്തരയെ സരിതയ്ക്ക് പരിചയപ്പെടുത്തിയതിന്റെ അടിസ്ഥാനത്തിലാണത്രെ. തുടര്‍ന്ന് ഉത്തരയെ പരസ്യ ചിത്രീകരണത്തിന് എത്തിച്ചത് ടീം സോളാറിന്റെ ബ്രാന്റ് അംബാസിഡറാക്കാം എന്ന് പറഞ്ഞു കൊണ്ടാണെന്നും അന്വേഷണ സംഘം കണ്ടെത്തി.

Uthara Unni

പരസ്യ ചിത്രത്തില്‍ അഭിനയിച്ചതോടെ ടീം സോളാറിന്റെ ബ്രാന്റ് അംബാസിഡറാക്കിയതിന് നന്ദി പറഞ്ഞു കൊണ്ട് ഉത്തര 2012 ആഗസ്ത് 26 ഫേസ്‌സ്ബുക്കില്‍ എഴുതുകയും ചെയ്തു. സരിതയുടെ ചെലവില്‍ ഉത്തര വിമാന യാത്ര നടത്തിയതിനുള്ള തെളിവുകളും അന്വേഷണ സംഘത്തിന് ലഭിച്ചിട്ടുണ്ട്. ബിജുവുമായി പരസ്യ ചിത്രീകരണത്തിനെത്തിയ പരിചയം മാത്രമെ ഉള്ളു എന്നും നടി വ്യക്തമാക്കിയിരുന്നു.

എന്നാല്‍, കേസില്‍ താന്‍ ഉള്‍പ്പെട്ടിട്ടുണ്ടെന്ന് വരുത്തി തീര്‍ക്കാനും കാര്യങ്ങള്‍ വലുതാക്കി കാണിക്കാനും മാധ്യമങ്ങള്‍ വലിയ ഉത്സാഹം കാണിക്കുന്നുവെന്ന് ഉത്തര തന്റെ ഫേസ്ബുക്ക് പേജിലൂടെ ആരോപിച്ചു. എന്താണ് സത്യം എന്ന് ആരും അന്വേഷിക്കുന്നില്ലെന്നും സത്യം മനസ്സിലാക്കിയാല്‍ തന്നെ അത് പ്രസിദ്ധീകരിക്കാന്‍ ആരും തയ്യാറാവുന്നില്ലെന്നും നടി ആരോപണമുന്നയിക്കുന്നു.

English summary
A report said, former minister Ganesh Kumar introduced actress Uthara Unni to solar accuse Saritha S Nair.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X