തെറ്റയിലിനെതിരെ കേസ് രാഷ്ട്രീയ പ്രേരിതമല്ല; യുവതി
കൊച്ചി: ജോസ് തെറ്റയില് എംഎല്എക്കെതിരെ നല്കിയ പരാതി രാഷ്ട്രീയ പ്രേരിതമല്ലെന്ന് പരാതിക്കാരി. ഹൈക്കോടതിയില് നല്കിയ സത്യവാങ്മൂലത്തിലാണ് ഇക്കാര്യ വിശദീകരിച്ചത്. താന് രാഷ്ട്രീയ പിന്തുണ തേടിയിട്ടില്ലെന്നും കേസിന് രാഷ്ട്രീയ നിറം നല്കി അട്ടിമറിക്കാന് ശ്രമിച്ചത് തെറ്റയിലാണെന്നും യുവതി സത്യവാങ്മൂലത്തില് പറയുന്നു.
പരാതിയില് പറയുന്ന ബലാത്സംഗക്കുറ്റം നിലനില്ക്കുന്നതാണ. തന്റെ സമ്മതം കൂടാതെയാണ് കൃത്യം നടന്നത്. വിവാഹവാഗ്ദാനം നല്കി വഞ്ചിക്കുന്ന കേസുകളുടെ ഒപ്പം പരിഗണിക്കാവുന്ന കേസാണ് ഇതെന്നും പരാതിക്കാരി സത്യവാങ്മൂലത്തില് പറയുന്നു. കേസില് ഇതുവരെ തെറ്റയിലിനെ ചോദ്യം ചെയ്തിട്ടില്ലെന്നും സത്യവാങ്മൂലത്തില് ചൂണ്ടികാണിക്കുന്നു.
കഴിഞ്ഞ ദിവസം കേസ് പരിഗണിക്കവെ ഹൈക്കോടതി പരാതിക്കാരിയുടെ വിശദീകരണം തേടിയിരുന്നു. ഇതിന്റെ പശ്ചാത്തലത്തിലാണ് യുവതി സത്യവാങ്മൂലം നല്കിയത്. അതേസമയം, കേസ് റദ്ദാക്കണമെന്നാവശ്യപ്പെട്ട് തെറ്റയില് നല്കിയ ഹര്ജി കോടതി പരിഗണിച്ചെങ്കിലും വ്യാഴാഴ്ച്ചത്തേക്ക് മാറ്റിവച്ചു.