കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

റഡ്വാന്‍സ്‌ക നഗ്നയായി;മതസംഘടന പുറത്താക്കി

  • By Soorya Chandran
Google Oneindia Malayalam News

വാര്‍സോ:വിംബിള്‍ഡണ്‍ ടെന്നീസിലെ മിന്നും താരമായ അഗ്നീസ്‌ക റഡ്വാന്‍സ്‌ക നഗ്നതാ പ്രദര്‍ശനത്തിന്റെ പേരില്‍ വിവാദത്തില്‍. ടെന്നീസില്‍ വനിതാ വിഭാഗത്തിലെ ലോക നാലാം നമ്പര്‍ താരവും ഇത്തവണത്തെ വിംബിള്‍ഡണിലെ സെമിഫൈനലിസ്റ്റുമാണ് റഡ്വാന്‍സ്‌ക.

ഇഎസ്പിന്‍ മാഗസിന്റെ 'ബോഡി ഇഷ്യു' വിന്റെ കവര്‍ പേജിലാണ് പൂര്‍ണ നഗ്നയായി റഡ്വാന്‍സ്‌ക പ്രത്യക്ഷപ്പെട്ടത്. മുന്നിലെ പൂളിലേക്ക് ടെന്നീസ് ബോളുകളിട്ട് , ചിരിച്ചുകൊണ്ടിരിക്കുന്ന റഡ്വാന്‍സ്‌കയാണ് മാഗസിന്റെ കവര്‍ ചിത്രം.

Agnieszka Radwanska

പഴയ മാര്‍പ്പാപ്പ ജോണ്‍ പോള്‍ രണ്ടാമന്റെ നാട്ടുകാരിയാണ് റഡ്വാന്‍സ്‌ക. നല്ല അസ്സല്‍ പോളണ്ടുകാരി.റോമന്‍ കത്തോലിക്ക വിശ്വാസി. കത്തോലിക്ക യൂത്ത് മൂവ്‌മെന്റിലെ അംഗവും.

പോരേ പൂരം... കത്തോലിക്ക യൂത്ത് മൂവ്‌മെന്റ് രണ്ടാമതൊന്ന് ആലോചിച്ചില്ല. റഡ്വാന്‍സ്‌കയെ എടുത്ത് സംഘടനക്ക് പുറത്തിട്ടു. സാദാചാരവിരുദ്ധ പെരുമാറ്റം ആണ് കുറ്റം.

24 കാരിയായ ഈ പോളിഷ് സുന്ദരി തന്റെ കത്തോലിക്ക വിശ്വാസം മുമ്പേ തുറന്ന് പറഞ്ഞിട്ടുള്ളതാണ്. പോളണ്ടിലെ യുവാക്കളോട് തങ്ങളുടെ കത്തോലിക്കാ വിശ്വസങ്ങളില്‍ ലജ്ജിക്കുകയേ വേണ്ട എന്ന് ആഹ്വാനം ചെയ്ത കക്ഷിയാണ് ഇപ്പോള്‍ സംഘടനയില്‍ നിന്ന് തന്നെ പുറത്താക്കപ്പെട്ടത്.

കഴിഞ്ഞ വര്‍ഷത്തെ വിംബിള്‍ഡണില്‍ റണ്ണര്‍ അപ്പ് ആയിരുന്നു റഡ്വാന്‍സ്‌ക. ഇതുവരെ വലിയ വിവാദങ്ങളിലൊന്നും പെടാതെ സുഖമായി കഴിഞ്ഞു വരികയായിരുന്നു. റഡ്വാന്‍സ്‌കയെ കൂടാതെ മാഗസിന്റെ കവറില്‍ പ്രത്യക്ഷപ്പെട്ട വേറെ രണ്ട് പേര്‍ കൂടിയുണ്ട്. മോട്ടോക്രോസ് താരം താരാ ഗീഗറും ഗോള്‍ഫ് താരം ഗാരി പ്ലെയറും. എന്തായാലും ഇവര്‍ രണ്ടുപേരും വിവാദത്തില്‍ നിന്ന് രക്ഷപ്പെട്ടു.

പഴയ പോപ്പിന്റെ നാടായ പോളണ്ട് , യൂറോപ്പിലെ തന്നെ ഏറ്റവും മൂത്ത കത്തോലിക്കാ വിശ്വാസികളുടെ രാഷ്ട്രമാണ്. അവര്‍ക്കെന്തായാലും റഡ്വാന്‍സ്‌ക കാണിച്ച അക്രമം സഹിക്കാനാകുമെന്ന് തോന്നുന്നില്ല.

ഒടുവില്‍ റഡ്വാന്‍സ്‌ക പറയുമായിരിക്കും- പോളണ്ടിനെ കുറിച്ച് ഒരക്ഷരം മിണ്ടിപ്പോകരുത്!!!!

English summary
World number four Agnieszka Radwanska has been dropped by a Catholic youth movement in her native Poland for posing nude in the "Body Issue" of ESPN Magazine.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X