• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഗര്‍ഭിണിയായ മുന്‍ഒളിംപിക്‌താരം കുഴഞ്ഞുവീണ് മരിച്ചു

  • By Soorya Chandran

ഹാംദെന്‍: എത്യോപ്യയുടെ മുന്‍ ഒളിംപിക്‌ താരം മെസ്‌കരിം ലെഗെസ്സെ(26) മരിച്ചു. ഗര്‍ഭിണിയായിരുന്ന ലെഗസ്സെ ഒരു റസ്റ്റോറന്റില്‍ വച്ച് കുഴഞ്ഞ് വീഴുകയായിരുന്നു. ഉടനെ ആസ്പത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പ്രസവത്തിന് മൂന്ന് ആഴ്ച മാത്രം ബാക്കിയുണ്ടായിരുന്ന ലെഗസ്സെയുടെ ഗര്‍ഭസ്ഥ ശിശുവിനെ രക്ഷിക്കാനായതായി ഡോക്ടര്‍മാര്‍ പറഞ്ഞു.

കണക്റ്റിക്കറ്റിലെ ഒരു റസ്റ്റോറന്റില്‍ തന്റെ രണ്ട് വയസ്സുകാരനായ മകനേയും കൂട്ടി പോയതായിരുന്നു ലെഗസ്സെ. അപകടം നടന്ന ഉടനെ തന്നെ ആസ്പത്രിയില്‍ എത്തിച്ചതായി ലെഗസ്സെയുടെ സുഹൃത്ത് ഫാത്തിമ സെന്‍ പറഞ്ഞു.മരണ കാരണം എന്തെന്ന് ഇപ്പോഴും വ്യക്തമല്ല. ലെഗെസ്സെക്ക് മുമ്പ് ഹൃദയ സംബന്ധമായ അസുഖങ്ങള്‍ ഉണ്ടായിരുന്നതായി സുഹൃത്ത് പറഞ്ഞു.

ഏഥന്‍സ് ഒളിംപിക്‌സില്‍ 1500 മീറ്റര്‍ ഒട്ടത്തില്‍ പങ്കെടുത്തിട്ടുണ്ടായിരുന്നു ലെഗെസ്സെ. എന്നാല്‍ ഹീറ്റ്‌സില്‍ 12-ാം സ്ഥാനത്തേക്ക് പിന്തള്ളപ്പെട്ട ലെഗെസ്സെക്ക് ഫൈനലില്‍ പങ്കെടുക്കാനായില്ല. തുടര്‍ന്ന് കൂടുതല്‍ മെച്ചപ്പെട്ട പരിശീലനത്തിനായി അമേരിക്കയിലേക്ക് പറന്നു. അമേരിക്കയിലെ ദേശീയ മത്സരങ്ങളില്‍ മെച്ചപ്പെട്ട പ്രകടനം കാഴ്ചവെച്ചിരുന്ന ലെഗെസ്സെ കുറച്ച് വര്‍ഷങ്ങളായി കായിക രംഗത്ത് നിന്ന് വിട്ടു നില്‍ക്കുകയായിരുന്നു.

കുട്ടികള്‍ രണ്ടും അവരുടെ അച്ഛന്റെ കൂടെയാണ് ഇപ്പോള്‍ ഉള്ളത്. ലെഗെസ്സെ ഇയാളെ ഔദ്യോഗികമായി വിവാഹം കഴിച്ചിരുന്നില്ല. വിവാഹത്തിനുള്ള ഒരുക്കങ്ങള്‍ നടക്കുന്നതിനിടെയായിരുന്നു പെട്ടെന്നുള്ള മരണം. മൃതദേഹം എത്യോപിയയിലേക്ക് കൊണ്ടുപോകാനുള്ള ശ്രമത്തിലാണ് കുടുംബാംഗങ്ങള്‍.

English summary
A former Olympic and professional runner from Ethiopia who was due to give birth in three weeks has died after collapsing at a Connecticut restaurant, but doctors were able to save her baby, her friends said Wednesday.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X