കാക്ക തലയിലിരുന്നതിന് യുവാവ് ആത്മഹത്യ ചെയ്തു
23കാരനായ ആനന്ദാണ് വളരെ നിസ്സാരമായ കാര്യത്തിന് സ്വന്തം ജീവന് നഷ്ടപ്പെടുത്തിയത്. ബാംഗ്ലൂര് നഗരത്തില് ഒരു ജോലി തേടിവന്ന ആനന്ദിന്റെ സ്വദേശം ഗഡാഗാണ്. ചെറിയൊരു സ്വകാര്യ കമ്പനിയില് ആനന്ദ് ജോലി നോക്കുന്നുണ്ട്. ജോലി കഴിഞ്ഞ് താമസിക്കുന്ന വാടക വീട്ടിലേക്ക് മടങ്ങുമ്പോള് ഒരു കാക്ക രണ്ടു തവണ ആനന്ദിന്റെ തലയില് വന്നിരുന്നു. കാക്ക തലയിലിരിക്കുന്നത് വരാന് പോകുന്ന വലിയൊരു ആപത്തില്റെ സൂചനയാണെന്ന വിശ്വാസമുണ്ടായിരുന്നു ആനന്ദിന്.
ഇതേ തുടര്ന്ന് പരിഭ്രാന്തനായ ആനന്ദ് വീട്ടിലെത്തി അമ്മയോട് കാര്യം പറഞ്ഞു. ആനന്ദിന്റെ ഭയം മാറ്റുവാനായി ഹനുമാന് കോവിലില് സന്ദര്ശനം നടത്താനും പൂജ കഴിക്കാനും അമ്മ നിര്ദ്ദേശിച്ചു. എന്നാല് അമിത ഉത്കണ്ഠ കാരണം ആനന്ദ് അതിനുള്ള സമയം കണ്ടെത്തിയില്ല.
ആനന്ദിന്റെ പരിഭ്രാന്തി മനസ്സിലാക്കി അമ്മ അയച്ച സഹോദരന് ബാംഗ്ലുരുള്ള വീട്ടില് എത്തുമ്പോഴേക്കും യുവാവ് ആത്മഹത്യ ചെയ്തിരുന്നു. ഉടനെ സഹോദരന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.