14കാരിയെഅച്ഛനും രണ്ടാനമ്മയുടെബന്ധുവും പീഡിപ്പിച്ചു
പറളി തേനൂരില് പതിനാലു വയസ്സുകാരിയെ അച്ഛനും രണ്ടാനമ്മയുടെ ബന്ധുവും ചേര്ന്ന് പീഡിപ്പിച്ചതായി റിപ്പോര്ട്ട്. സംഭവത്തെ തുടര്ന്ന് അച്ഛന് രാധാകൃഷ്ണനും ബന്ധു കുട്ടനുമെതിരെ മലങ്കര പൊലീസ് കേസെടുത്തു.
ഇത് സംബന്ധിച്ച പരാതി കഴിഞ്ഞ ദിവസം ജില്ലാകലക്ടര്ക്ക് ലഭിച്ചതിന്റെ അടിസ്ഥാനത്തില് ചൈല്ഡ് ലൈന് പ്രവര്ത്തകര് അന്വേഷണം നടത്തുകയായിരുന്നു. സംഭവം സ്ഥിരീകരിച്ചതോടെ ഹെല്ത്ത് സെന്റര് ജീവനക്കാര് പൊലീസില് വിവരമറിയിച്ചു. പിതാവും രണ്ടാനമ്മയുടെ ബന്ധുവും ചേര്ന്ന് പലതവണ ലൈംഗിക പീഡനത്തിനിരയാക്കിയതായി കുട്ടി ചൈല്ഡ് ലൈന് പ്രവര്കത്തകരോട് പറഞ്ഞു.
തുടര്ന്ന് കുട്ടിയെ വീട്ടില് നിന്ന് മാറ്റി പാര്പ്പിച്ച് പൊലീസ് വിവരങ്ങള് കുട്ടിയില് നിന്ന് തിരക്കി. പാലക്കാട് നോര്ത്ത് സിഐയുടെ നേതൃത്വത്തിലാണ് കേസ് അന്വേഷിക്കുന്നത്. കുട്ടിയെ കൗണ്സിലിംഗിന് വിധേയമാക്കി കൂടുതല് വിവരങ്ങള് അന്വേഷിച്ച് വരികയാണെന്ന് പൊലീസ് വൃത്തങ്ങള് അറിയിച്ചു.