കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അട്ടപ്പാടിയിലെ അമ്മമാരെ കാണാന്‍ പണ്ഡിറ്റെത്തി

Google Oneindia Malayalam News

പാലക്കാട്: സൂപ്പര്‍ സ്റ്റാറുകള്‍ക്കും രാഷ്ട്രീയ നേതാക്കള്‍ക്കും മാതൃകയായി അട്ടപ്പാടിയിലെത്തിയ അഭിനവ സൂപ്പര്‍ സ്റ്റാര്‍ സന്തോഷ് പണ്ഡിറ്റിന് ജനങ്ങളുടെ പ്രശംസ. അട്ടപ്പാടിയിലെ പട്ടിണിപ്പാവങ്ങളുടെ ഊരുകളിലെത്തിയ പണ്ഡിറ്റ് അവിടത്തെ അമ്മമാര്‍ക്കും കുഞ്ഞുങ്ങള്‍ക്കും ഭക്ഷണവും വസ്ത്രവും മരുന്നും വിതരണം ചെയ്തു. ഗര്‍ഭിണികളായ സ്ത്രീകളെയും കുഞ്ഞുങ്ങളെ നഷ്ടമായ അമ്മമാരെയും സന്തോഷ് അരികത്തിരുന്ന് ആശ്വസിപ്പിച്ചു.

സഹായത്തിന്റെ വലിപ്പമല്ല, നാട് ഭരിക്കുന്ന മന്ത്രിമാര്‍ പോലും അവഗണനയോടെ മുഖം തിരിക്കുമ്പോള്‍ അട്ടപ്പാടിയിലെ അമ്മമാര്‍ക്കൊപ്പം അല്‍പനേരം ചെലവഴിക്കാന്‍ മനസ്സുകാണിച്ചു എന്നതാണ് സന്തോഷ് പണ്ഡിറ്റിനെ പ്രിയങ്കരനാക്കുന്നത്. സോഷ്യല്‍ നെറ്റ് വര്‍ക്ക് സൈറ്റുകളിലും മറ്റും സന്തോഷ് പണ്ഡിറ്റിനെ പ്രശംസിക്കുകയും നേതാക്കളെ വിമര്‍ശിക്കുകയും ചെയ്യുന്ന പോസ്റ്റുകള്‍ കാണാം.

santosh pandit

അട്ടപ്പാടിയിടെ ഊരുകള്‍ സന്ദര്‍ശിച്ച ശേഷം പണ്ഡിറ്റ് കോട്ടത്തറ ട്രൈബല്‍ ആശുപത്രിയിലെത്തി. ചാനലുകളിലൂടെയും പത്രങ്ങളിലൂടെയും കേട്ടിട്ടുള്ള അട്ടപ്പാടിയെ നേരിട്ട് കാണാനാണ് വന്നതെന്ന് സന്തോഷ് പറഞ്ഞു. അഗളിയിലെ പഞ്ചായത്ത് പ്രസിഡണ്ട് അടക്കമുള്ളവരെത്തിയാണ് സന്തോഷ് പണ്ഡിറ്റിനെ സ്വീകരിച്ചത്. നേരത്തെ മലയാളി ഹൗസ് പരിപാടിയില്‍ നിന്ന് പുറത്താക്കപ്പെട്ടപ്പോഴും സന്തോഷ് പണ്ഡിറ്റിന് അനുകൂലമായി നിരവധി പേര്‍ രംഗത്തെത്തിയിരുന്നു.

സര്‍ക്കാര്‍ കൊടുക്കുന്ന ഭക്ഷണം കഴിക്കാത്തതാണ് അട്ടപ്പാടിയിലെ പ്രശ്‌നങ്ങള്‍ക്ക് കാരണമെന്നായിരുന്നു സംസ്ഥാനം ഭരിക്കുന്ന മുഖ്യമന്ത്രി പറഞ്ഞത്. ഈ പ്രതികരണം ഏറെ വിമര്‍ശനങ്ങള്‍ ക്ഷണിച്ചുവരുത്തിയിരുന്നു. അട്ടപ്പാടിയിലെ ഗര്‍ഭിണികളുടെ മദ്യപാനമാണ് കുഞ്ഞുങ്ങള്‍ മരിക്കാന്‍ കാരണം എന്നായിരുന്നു മന്ത്രി കെ സി ജോസഫിന്റെ അഭിപ്രായം.

English summary
Cine actor Santhosh Pandit visits Attappadi tribal colony and distributes food and medicines. 
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X