ഖേല്രത്ന സോധിക്ക്; കോലിക്ക് അര്ജ്ജുന
2010 - 11 സീസണിലെ മികച്ച പ്രകടനമാണ് സോധിയെ ഖേല്രത്ന ശുപാര്ശയ്ക്ക് അര്ഹനാക്കിയത്. ഖേല്രത്നയ്ക്കായി തിരഞ്ഞെടുക്കപ്പെടുന്ന ഏഴാമത്തെ ഷൂട്ടിംഗ് താരമാണ് സോധി. കഴിഞ്ഞ ഏതാനും സീസണുകളിലായി ഇന്ത്യന് ടീമിന് വേണ്ടി നടത്തുന്ന ബാറ്റിംഗ് പ്രകടനമാണ് ദേശീയ ടീമിന്റെ വൈസ് ക്യാപ്റ്റന് കൂടിയായ കോലിയെ അര്ജ്ജുന ശുപാര്ശ വരെയെത്തിച്ചത്.
ലോക മീറ്റിലെ വെങ്കല മെഡല് നേട്ടമാണ് യുവ ബാഡ്മിന്റണ് താരമായ പി വി സിന്ധുവിന് തുണയായത്. ചാമ്പ്യന്ഷിപ്പിലെ സെമിയിലെത്തിയാണ് ഹൈദരാബാദുകാരി ഈ നേട്ടം കൈവരിച്ചത്. മലേഷ്യന് ഓപ്പണ് കിരീടവും 2011 ഡച്ച് ഓപ്പണിലെ റണ്ണറപ്പും സിന്ധുവിന്റെ മികച്ച പ്രകടനങ്ങളില്പ്പെടുന്നു.
എന്നാല് വോളിബോളിലെ സൂപ്പര്താരം ടോം ജോസഫിനെ ഇക്കുറിയും അര്ജ്ജുന അവാര്ഡിന് പരിഗണിക്കാത്തത് വിവാദമായി. ഇത് തുടര്ച്ചയായ ഒന്പതാം തവണയാണ് മലയാളി താരമായ ടോമിനെ അവാര്ഡ് നിര്ണയ സമിതി തഴയുന്നത്. ഇനി അര്ജ്ജുനയ്ക്കായി അപേക്ഷ സമര്പ്പിക്കില്ലെന്ന് ടോം പ്രതികരിച്ചു.