ഗര്ഭിണിയുടെ മുഖത്ത് ഭര്ത്താവ് ആസിഡൊഴിച്ചു
ലക്നൗവിന് സമീപത്തെ ബസാര്ക്കല പ്രദേശത്താണ് സംഭവം. യുവതിയെ പരിശോധിച്ച ഡോക്ടറുടെ റിപ്പോര്ട്ടിന്റെ അടിസ്ഥാനത്തില് ഭര്ത്താവ് നയീമിനെതിരെ പോലീസ് കേസെടുത്തു. അഞ്ചുമക്കളാണ് ഇവര്ക്കുള്ളത്. അഞ്ചും പെണ്മക്കള്. ഇതില് നയീം അതീവദു:ഖിതനായിരുന്നത്രെ.
ഇടക്കിടെ ഇയാള് ഭാര്യയോട് ഇതും പെണ്കുഞ്ഞാണോ എന്ന് ചോദിക്കുമായിരുന്നു. പെണ്കുഞ്ഞാണെങ്കില് ഗര്ഭം അലസിപ്പിച്ചുകളയണമെന്നും ഇയാള് ഭാര്യയോട് ആവശ്യപ്പെട്ടിരുന്നു. മകന് വേണ്ടിയുള്ള കാത്തിരിപ്പിനൊപ്പം തന്റെ ആവശ്യം ഭാര്യ അംഗീകരിക്കാതിരുന്നത് കൂടി ആയതോടെയാണ് നയീം ഇങ്ങനെയൊരു കടുംകൈ ചെയ്തത്.
കഴിഞ്ഞ മാസം അവസാനമാണ് സംഭവം നടന്നത് എങ്കിലും ചൊവ്വാഴ്ച മാത്രമാണ് യുവതിയുടെ കുടുംബം പോലീസില് പരാതി നല്കിയത്. തന്നെ ക്രൂരമായി മര്ദ്ദിച്ച ശേഷം ദേഹത്ത് ആസിഡൊഴിക്കുകയായിരുന്നു എന്ന് യുവതി പരാതിയില് പറഞ്ഞു. നിലവിളി കേട്ട് ഓടിയെത്തിയ പിതാവാണ് കാണ്പൂരിലെ ആശുപത്രിയില് ഇവരെ എത്തിച്ചത്.
Click it and Unblock the Notifications
Sign in with Google