ഇന്ത്യയില് നിന്ന് ചൊവ്വയിലേക്ക് 1800 പേര്
നെതര്ലാന്ഡ്സിലെ മാര്സ് വണ് പദ്ധതിയുടെ ഭാഗമായി 1800 ഇന്ത്യക്കാരാണ് ഇതുവരെ ചൊവ്വയിലേക്കുള്ള വണ്വേ ടിക്കറ്റിന് അപേക്ഷ നല്കി കാത്തിരിക്കുന്നതത്രെ. ടൈംസ് ഓഫ് ഇന്ത്യയാണ് ഇക്കാര്യം റിപ്പോര്ട്ട് ചെയ്തിരിക്കുന്നത്. ഇന്ത്യക്കാരില് തന്നെ ബാംഗ്ലൂര് നിവാസികളാണത്രെ ചൊവ്വായാത്രക്ക് അപേക്ഷ നല്കിയവരില് കൂടുതലും.
ലോകത്താകമാനം ഒരു ലക്ഷത്തിലധികം ആളുകളാണ് ഇതിനകം തന്നെ മാര്സ് വണിന്റെ വെബ്സൈറ്റില് ചൊവ്വയിലേക്ക് കുടിയേറാന് അപേക്ഷ നല്കി കാത്തിരിക്കുന്നത്. 2022 ല് ആദ്യ സംഘത്തെ ചൊവ്വയിലേക്കയക്കാനാണ് മാര്സ് വണ് പദ്ധതിയിട്ടിരിക്കുന്നത്. ഇവിടെ നിന്ന് കയറ്റി അയക്കുന്നവര് പിന്നീട് ഭൂമിയിലേക്ക് തിരിച്ച് വരില്ല. ചൊവ്വയില് തന്നെ ജീവിക്കണം. അതിനുള്ള പരിശീലനങ്ങള് ഒക്കെ നല്കിയേ ചൊവ്വയിലേക്ക് ആളുകളെ അയക്കൂ എന്ന് മാര്സ് വണ് അധികൃതര് വ്യക്തമാക്കിയിട്ടുണ്ട്.
അധികം പണമൊന്നും ഇവര് കുടിയേറ്റക്കാരില് നിന്ന് ഈടാക്കുന്നില്ല എന്നതും ആകര്ഷകമാണ്. ശരാശരി ഏഴ് അമേരിക്കന് ഡോളറാണ് അപേക്ഷ ഫീസ്. ഇത് ഓരോ രാജ്യത്തിന്റേയും ആളോഹരി വരുമാനത്തിനനുസരിച്ച് മാറുകയും ചെയ്യും. പദ്ധതിക്കുള്ള പണം ഇത് സംബന്ധിച്ച ടെലിവിഷന് വാര്ത്തകളിലൂടേയും സ്പോണ്സര്മാരിലൂടെയും സ്വരൂപിക്കാനാണ് മാര്സ് വണ് ഉദ്ദേശിക്കുന്നത്.
2013 മെയ് 6 ന് ആണ് മാര്സ് വണ് സൈറ്റില് രജിസ്ട്രേഷന് തുടങ്ങിയത്. അന്ന് ആകെ 5 ഇന്ത്യക്കാരാണ് രജിസ്റ്റര് ചെയ്തത്. എന്നാല് പിന്നീടിങ്ങോട്ട് ഇന്ത്യക്കാരുടെ ചൊവ്വ കുടിയേറ്റ മോഹം കൂടിക്കൂടി വരികയായിരുന്നു എന്നാണ് കണക്കുകള് സൂചിപ്പിക്കുന്നത്. ഐഎസ്ആര്ഒയുടെ ചൊവ്വ പര്യവേഷണ ദൗത്യം 2013 ഒക്ടോബര്-നവംബര് മാസങ്ങളിലായി തുടങ്ങുന്നു എന്നതും ഇന്ത്യക്കാരെ മാര്സ് വണ് ചൊവ്വ കുടിയേറ്റത്തിലേക്ക് അടുപ്പിക്കുന്നുണ്ടെന്നാണ് സൂചനകള്.
വിവിധ രാജ്യങ്ങളില് നിന്നുള്ള അപേക്ഷകരില് നാല്പത് പേരെ 2014 ആകുമ്പോഴേക്കും ചൊവ്വ കുടിയേറ്റത്തിനായി തിരഞ്ഞെടുക്കും. പിന്നെ അവരില് നിന്ന് വിവിധ ഘട്ടങ്ങളിലായി രണ്ട് പുരുഷന് മാരേയും രണ്ട് സ്ത്രീകളേയും തിരഞ്ഞെടുക്കും. ഇവരായിരിക്കും 2022 ല് ആദ്യമായി ചൊവ്വയിലേക്ക് പറക്കുക. എട്ട് വര്ഷം നീളുന്ന കഠിന പരിശീലനങ്ങള്ക്കൊടുവില് ആയിരിക്കും ചൊവ്വായാത്ര തുടങ്ങുക. ആദ്യ സംഘത്തില് തന്നെ ഇന്ത്യയില് നിന്ന് ആരെങ്കിലും ഉണ്ടാകുമെന്ന് പ്രതീക്ഷയിലാണ് അപേക്ഷ നല്കി കാത്തിരിക്കുന്നവര്.
-
മുസ്ലീം യുവാവുമായി പ്രണയം, നാട് വിട്ടോടി കേരളത്തിലെത്തി വൈറൽ താരം മോണാലിസ, ഇന്ന് വിവാഹം -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
വിജയ് സംഗീത വിവാഹ മോചനത്തിനിടെ ജയം രവിയുടെ വേറിട്ട പ്രതികരണം; സോഷ്യല് മീഡിയയില് ചര്ച്ച -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
സൗദി അറേബ്യ നിര്ത്തിയാലും പ്രശ്നമില്ല; എണ്ണ ഒഴുക്കാന് പാശ്ചാത്യ രാജ്യങ്ങള്, സുപ്രധാന നീക്കം ഇങ്ങനെ -
മോദി ഭക്തയല്ല, നമ്മുടെ പ്രധാനമന്ത്രിയല്ലേ, സ്നേഹമാണ് എന്ന് പ്രിയങ്ക, വര്ക്കലയില് മല്സരിക്കാന് റോബിന് -
നരേന്ദ്ര മോദി ക്ഷണിച്ച പരിപാടിക്ക് ചെന്നപ്പോള് ആധാര് കാര്ഡ് ചോദിച്ചു; തര്ക്കം, അപമാനം എന്ന് മന്ത്രി രാജേഷ് -
മൊണാലിസയുടെ വിവാഹത്തിനെതിരെ ബിജെപി;'ക്ഷേത്രങ്ങൾ നിരീശ്വരവാദികൾക്ക് തോന്നിയവാസം കാട്ടാനുള്ളതല്ല' -
'മരുമകൻ അല്ലെടോ.. അത് കേരളത്തിന്റെ പൊതുമരാമത്ത് വകുപ്പ് മന്ത്രിയാണ്'; മറുപടിയുമായി തോമസ് ഐസക് -
വ്യാഴം മാറുമ്പോൾ എട്ടിന്റെ പണി; ഈ രാശിക്കാർക്ക് ധന നഷ്ടം, കുടുംബ ജീവിതത്തിൽ താളപ്പിഴ, മാർച്ച് 11 മുതൽ -
'അഡ്രസ് പോലും വ്യാജം; ചെയ്തത് ക്രിമിനല് കുറ്റം' ശ്രീനാദേവി കുഞ്ഞമ്മക്കെതിരേ ആരോപണങ്ങളുമായി ഷഹനാസ് -
മുഖ്യമന്ത്രിയെ ക്ഷണിച്ചിട്ടുണ്ട്, മരുമകനേയും ക്ഷണിക്കണോ? വിവാദത്തിൽ പ്രതികരിച്ച് രാജീവ് ചന്ദ്രശേഖർ
Click it and Unblock the Notifications
Sign in with Google