ഉമ്മന്ചാണ്ടിയും തിരുവഞ്ചൂരും നികൃഷ്ടജീവികളെന്ന്
ഇവിടം കൊണ്ടും തീര്ന്നില്ല, കോണ്ഗ്രസ് നേതാക്കളെ ചീത്തവാക്കുകള് കൊണ്ട അഭിഷേകം ചെയ്തായിരുന്നു എം എം മണിയുടെ പ്രസംഗം. മുഖ്യമന്ത്രി ഉമ്മന് ചാണ്ടിയെയും ആഭ്യന്തരമന്ത്രി തിരുവഞ്ചൂര് രാധാകൃഷ്ണനെയും നികൃഷ്ട ജീവികള് എന്നാണ് എം എം മണി വിളിച്ചത്. പി ടി തോമസിനെയും മണി നികൃഷ്ട ജീവി പട്ടികയില് പെടുത്തി.
പമ്പരവിഡ്ഡികളായ ഉമ്മന്ചാണ്ടിയും തിരുവഞ്ചൂര് രാധാകൃഷ്ണനും തന്നെ കേസില് പെടുത്തി ഇല്ലായ്മ ചെയ്യാനാണ് ശ്രമിച്ചത്. ആര് വിചാരിച്ചാലും തന്നെ തടയാനോ തന്റെ ശൈലി മാറ്റാനോ കഴിയില്ല. തന്നെ കുഴിയിലാക്കാന് നോക്കിയ തിരുവഞ്ചൂര് രാധാകൃഷ്ണന് സോളാര് കേസില് വെള്ളം കുടിക്കുന്നതിലുള്ള സന്തോഷവും മണി മറച്ചുവെച്ചില്ല. മൂലമറ്റത്ത് പാര്ട്ടി പ്രവര്ത്തകര് നല്കിയ സ്വീകരണത്തില് സംസാരിക്കുകയായിരുന്നു മണി.
ഒഞ്ചിയത്ത് ടി പി ചന്ദ്രശേഖരന് കൊല്ലപ്പെട്ടതിന് പിന്നാലെയാണ് മണി വിവാദ വെളിപ്പെടുത്തലുകളുമായി രംഗത്തുവന്നത്. പട്ടിക തയ്യാറാക്കി സി പി എം ശത്രുക്കളെ വകവരുത്താറുണ്ട് എന്നായിരുന്നു മണിയുടെ പ്രസ്താവന. ഇതേത്തുടര്ന്ന് മണി പോലീസ് കസ്റ്റഡിയിലുമായി. ഹൈക്കോടതി ജാമ്യ വ്യവസ്ഥയില് ഇളവ് നല്കിയതോടെയാണ് ഏഴ് മാസത്തിന് ശേഷം മണി ഇടുക്കിയില് തിരിച്ചെത്തുന്നത്. ജില്ലയുടെ പല ഭാഗങ്ങളിലായി പ്രവര്ത്തകര് മണിക്ക് സ്വീകരണങ്ങള് ഒരുക്കിയിട്ടുണ്ട്.
Click it and Unblock the Notifications
Sign in with Google