ശിവകാശി, പടക്കനിര്‍മാണശാലയില്‍ പൊട്ടിത്തെറി

ചെന്നൈ: ശിവകാശിയിലെ പടക്കനിര്‍മാണശാലയില്‍ ശക്തമായ സ്‌ഫോടനമുണ്ടായതായി റിപ്പോര്‍ട്ട്. അപകടത്തെ കുറിച്ചുള്ള കൂടുതല്‍ വിവരങ്ങള്‍ പുറത്തുവരുന്നതേയുള്ളൂ.

700ഓളം പടക്കനിര്‍മാണശാലകള്‍ പ്രവര്‍ത്തിക്കുന്ന മേഖലയാണ് ശിവകാശി. വിരുധുനഗറിലെ കമ്പനിയാണ് പൊട്ടിത്തെറിച്ചത്. വിലാംപട്ടി ഗ്രാമത്തിലെ ചിദംബരം ഫയര്‍വര്‍ക്‌സ് എന്ന കമ്പനിയിലാണ് അപകടമുണ്ടായതെന്ന് എന്‍ഡിടിവി സ്ഥിരീകരിച്ചിട്ടുണ്ട്.

ശക്തമായ നാലു സ്‌ഫോടനങ്ങളാണ് ഉണ്ടായത്. ഫയര്‍ഫോഴ്‌സ് സംഘം തീ കെടുത്താനുള്ള കഠിന പ്രയത്‌നത്തിലാണ്. തൊട്ടടുത്തുള്ള കമ്പനികളിലേക്കും തീ പടരുന്നതായാണ് പ്രാഥമിക റിപ്പോര്‍ട്ടുകള്‍.

ദീപാവലി കടന്നു വരുന്നതിനാല്‍ പടക്കം നിര്‍മാണം ഏറ്റവും കൂടുതല്‍ നടക്കുന്ന സമയമാണിത്. കഴിഞ്ഞ സെപ്തംബറിലുണ്ടായ അപകടത്തില്‍ 38 പേര്‍ക്കാണ് ജീവന്‍ നഷ്ടപ്പെട്ടത്.

ഈ വര്‍ഷം ഏപ്രിലില്‍ ഉണ്ടായ മറ്റൊരു അപകടത്തില്‍ എട്ടുപേര്‍ മരിച്ചിരുന്നു. നാരായണപുരം ഗ്രാമത്തിലെ അനധികൃതശാലയിലുണ്ടായ തീപ്പിടുത്തം തമിഴ്‌നാട്ടില്‍ ഏറെ ഒച്ചപ്പാടുണ്ടാക്കിയിരുന്നു.

English summary

A major explosion ripped through a cracker factory near Sivakasi in the Virudhunagar district in southern Tamil Nadu today. No casualties have been reported so far.