ജോപ്പനും ശാലുവിനും ഉപാധികളോടെ ജാമ്യം

കൊച്ചി: സോളാര്‍ തട്ടിപ്പുകേസില്‍ റിമാന്റില്‍ കഴിയുകയായിരുന്ന സീരിയല്‍ നടി ശാലു മേനോനും മുഖ്യമന്ത്രിയുടെ മുന്‍ പേഴ്‌സണല്‍ സ്റ്റാഫ് ടെന്നി ജോപ്പനും ജാമ്യം ലഭിച്ചു. കര്‍ശന ഉപാധികളോടെ ഹൈക്കോടതി ജസ്റ്റിസ് സതീശ് ചന്ദ്രന്‍ അധ്യക്ഷനായ ബെഞ്ചാണ് ഇരുവര്‍ക്കും ജാമ്യമനുവദിച്ചത്.

ശ്രീധരന്‍ നായരുടെ പരാതിയെ തുടര്‍ന്ന് അറസ്റ്റിലായ ജോപ്പന് ഉപാധികളോടെ ജാമ്യം അനുവദിക്കാമെന്ന് വാദിച്ച സര്‍ക്കാര്‍ ശാലുവിന് ജാമ്യത്തെ ശക്തമായി എതിര്‍ത്തിരുന്നു. തട്ടിപ്പിലൂടെ ലഭിച്ച പണം കണ്ടെത്താനുള്ള ശ്രമം തുടരുന്നതിനാല്‍ മുഖ്യപ്രതിയായ ബിജുരാധാകൃഷ്ണനെ സഹായിച്ച ശാലുവിന് ജാമ്യം അനുവദിക്കരുതെന്ന് എജി വാദിച്ചു. ശാലുവിനുള്ള സ്വാധീനം അന്വേഷണത്തെ പ്രതികൂലമായി ബാധിക്കുമെന്നായിരുന്നു സര്‍ക്കാറിന്റെ വാദം

ജോപ്പന്റെയും ശാലുവിന്റെയും ജാമ്യാപേക്ഷകള്‍ ജസ്റ്റിസ് എസ് സതീശ് ചന്ദ്ര നേരത്തെ തള്ളിയിരുന്നു. മുഖ്യമന്ത്രിയുടെ പേഴ്‌സണല്‍ അസിസ്റ്റന്റായിരുന്ന ജോപ്പനെ അദ്ദേഹത്തിന്റെ ഓഫീസും പദവിയും ദുരുപയോഗം ചെയ്തതിനെ തുടര്‍ന്ന് ജൂണ്‍ 28നാണ് പൊലീസ് അറസ്റ്റ് ചെയ്തത്.

തിരുവനന്തപുരം സ്വദേശിയായ അഫ്‌സലില്‍ നിന്ന് 40ലക്ഷം രൂപ തട്ടിയെടുത്ത കേസിലാണ് ശാലുമേനോനെ അറസ്റ്റ് ചെയ്തത്. ഇതുകൂടാതെ ബിജുരാധാകൃഷ്ണനെ രക്ഷപ്പെടുത്താന്‍ ശ്രമിച്ച കേസിലും ശാലു പ്രതിയാണ്.

English summary

Tenny Joppan and Shalu Menon, who had been on remand in the solar scam, have been issued bail by the High Court.