23വയസ്സില്‍ റൊമാനിയക്കാരി മുത്തശ്ശിയായി

ബുക്കാറെസ്റ്റ്: റൊമാനിയക്കാരിയായ റിഫ്ക സ്റ്റാനെസ്‌ക്യൂ വിന് പ്രായം 23. എന്നാല്‍ ഇവര്‍ ലോകത്തിലെ ഏറ്റവും പ്രായം കുറഞ്ഞ മുത്തശ്ശിമാരില്‍ ഒരാള്‍ ആയിരിയ്ക്കുകയാണ് . 12മത്തെ വയസ്സിലാണ് ഇവര്‍ മരിയ എന്ന മകള്‍ക്ക് ജന്മം നല്‍കുന്നത്. റൊമാനിയയിലെ ഒരു നാടോടി ഗോത്രത്തില്‍ ഉള്‍പ്പെടുന്ന ഇവര്‍ വളരെ നേരത്തെ വിവാഹിതാരാകും. റിഫ്കയുടെ മകള്‍ മരിയയും ഇത്തരത്തില്‍ വളരെ നേരത്തെ വിവാഹം കഴിയ്ക്കുകയും അവര്‍ക്ക് ഒരു കുഞ്ഞ് ജനിയ്ക്കുന്നതോടെയാണ് റിഫ്ക പ്രായം കുറഞ്ഞ മുത്തശ്ശിയാകുന്നത്.

കുഞ്ഞ് ജനിച്ചാല്‍ ഉടന്‍ തന്നെ ഗോത്രത്തിലെ മറ്റുള്ള കുട്ടികളില്‍ ആരെങ്കിലുമായി ഇവരുടെ വിവാഹം നിശ്ചയിക്കും.റിഫ്കയുടെ ചെറുമകന് രണ്ട് വയസ്സ് പ്രായമുണ്ട്. റിഫ്കയ്ക്ക് രണ്ട് വയസ്സുള്ളപ്പോള്‍ തന്നെ അവരുടെ വിവാഹം ഗ്രാമത്തിലെ ഒരാളുമായി നിശ്ചയിച്ചിരുന്നു. എന്നാല്‍ 11 മത്തെ വയസ്സില്‍ ഇവര്‍ കാമുകനൊപ്പം ഒളിച്ചോടുകയും 12 മത്തെ വയസ്സില്‍ അമ്മയാവുകയും ചെയ്തു. മരിയ എന്ന മകള്‍ക്ക് ഇവര്‍ ജന്മം നല്‍കി. മറ്റൊരു കുട്ടി കൂടി ഇവര്‍ക്കുണ്ട്.

മരിയയെയും വളരെനേരത്തെ വിവാഹം കഴിച്ചു. ആറ് മാസങ്ങള്‍ക്കം മരിയ ഗര്‍ഭിണിയാവുകയും ഒരു ആണ്‍കുഞ്ഞിന് ജന്മം നല്‍കുകയും ചെയ്തു. മകളെ പഠിപ്പിയ്ക്കണമെന്നായിരുന്ന തന്റെ ആഗ്രഹമെന്ന് റിഫ്ക പറഞ്ഞു. എന്നാല്‍ മരിയയും വളരെ നേരത്തെ വിവാഹിതയായി. റിഫ്കയുടെ അമ്മയ്ക്ക് 40 വയസ്സുണ്ട്. തങ്ങളുടെ ഗോത്രത്തില്‍ വളരെ പെട്ടന്ന് തന്നെ കുട്ടികള്‍ വിവാഹിതരാകുമെന്നും ആചാരമാണിതെന്നും റിഫ്ക പറഞ്ഞു.

English summary

Rifca Stanescu, from the town of Investi, was twelve years old when she gave birth to her daughter, Maria