പ്രഭാതഭക്ഷണത്തിലെ രാജാവ്,ഇഡ്ലിയും സാന്പാറും?

ചെന്നൈ: ഇന്ത്യയിലെ പോഷക സമൃദ്ധമായ പ്രഭാത ഭക്ഷണം ഇഡ്‌ലിയും സാന്പാറുമാണെന്ന് കണ്ടെത്തല്‍ ഇന്ത്യയിലെ നാല് പ്രധാന നഗരങ്ങളിലെ പ്രഭാത ഭക്ഷണങ്ങള്‍ തെരഞ്ഞെടുത്ത് നടത്തി പഠനത്തിലാണ് ദക്ഷിണേന്ത്യയിലെ പ്രഭാത ഭക്ഷണത്തിലെ ഏറ്റവും പ്രിയമേറിയ വിഭവമായ ഇഡ്‌ലിലും സാന്പാറും ഏറ്റവും പോഷക സമൃദ്ധമായ പ്രഭാത ഭക്ഷണമായി തെരഞ്ഞെടുത്തത്. 'ഇന്ത്യ ബ്രേക്ക്ഫസ്റ്റ് ഹാബിറ്റ് സ്റ്റഡി' എന്ന സര്‍വ്വേയുടെ ഭാഗമായി നടത്തിയ പഠനത്തിലാണ് ഇഡ്‌ലിയുടെ പോഷക സമൃദ്ധി കണ്ടെത്തിയത്.

മുംബൈ, ദില്ലി, കൊല്‍ക്കത്ത, ചെന്നൈ എന്നീ നാല് പ്രധാന നഗരങ്ങളിലെ പ്രഭാത ഭക്ഷണത്തെ ഉള്‍ക്കൊള്ളിച്ചാണ് പഠനം നടന്നത്. 3,600 ആളുകളെയാണ് പഠനത്തിന് വിധേയരാക്കിയത്. എട്ട് വയസ് മുതല്‍ 40 വയസുവരെയുള്ളവരാണ് പോഷക അപര്യാപ്തത കണ്ടെത്തുന്നതിന് വേണ്ടി പഠനം നടത്തിയത്. ചെന്നൈയിലെ പ്രഭാത ഭക്ഷണമായ ഇഡ്‌ലിയും സാന്പാറും കഴിയ്ക്കുന്നവരില്‍ 60 ശതമാനത്തോളം മാത്രമാണ് പ്രഭാത ഭക്ഷണത്തിന്റെ കാര്യത്തില്‍ പോഷക അപര്യാപ്തത അനുഭവിയ്ക്കുന്നത്. എന്നാല്‍ മുംബൈയില്‍ 80 ശതമാനത്തോളം പ്രഭാതഭക്ഷണണത്തിലും പോഷക കുറവുണ്ട്.

ദില്ലിയില്‍ 76 ശതമാനവും, കൊല്‍ക്കത്തയില്‍ 75 ശതമാനവും ആളുകളുടെ ഭക്ഷണത്തിനല്‍ പോഷക അപര്യാപ്തതയുണ്ട്. പ്രഭാത ഭക്ഷണം ഒഴിവാക്കുന്നവരാണ് അധികം ആളുകളും എന്നും പഠനത്തില്‍ കണ്ടെത്തി. കാര്‍ബോ ഹൈഡ്രേറ്റ്‌സ്, എനര്‍ജി, പ്രോട്ടീന്‍, കൊഴുപ്പ്, കാല്‍സ്യം എന്നിവ പ്രഭാത ഭക്ഷണത്തില്‍ എത്രത്തോളം അടങ്ങിയിരിയ്ക്കുന്നു എന്നതിന്റെ അടിസ്ഥാനത്തിലായിരുന്നു പഠനം. ഇന്ത്യക്കാര്‍ ഭക്ഷണകാര്യത്തില്‍ വേണ്ടത്ര ശ്രദ്ധകാണിയ്ക്കുന്നില്ലെന്ന് ഗവേഷണങ്ങള്‍ക്ക് നേതൃത്വം നല്‍കിയ കൊളേജ് ഓഫ് ഹം സയന്‍സിലെ മാലതി ശിവരാമന്‍ പറഞ്ഞു.

English summary

Three idlis, a bowl of sambhar and a tumbler of filter kaapi -- Chennai's traditional breakfast is not just a gastronomical delight for many but also the most nutritious morning meal compared to those in other metros