• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ടിവി അവതാരകയെ കാണാതായിട്ട് ഒരുമാസം

തിരുവനന്തപുരം: ഒരുമാസം മുന്‍പ് കാണാതായ ടി വി വാര്‍ത്ത അവതാരകയെ അന്വേഷിച്ച് പോലീസ് ഇപ്പോളും ഇരുട്ടില്‍ തപ്പുന്നതായി ആക്ഷേപം. ഒരുമാസമായിട്ടും ഇവരെക്കുറിച്ച് ഒരു വിവരവുമില്ല എന്നാണ് ടി വി അവതാരകയുമായി അടുത്ത കേന്ദ്രങ്ങള്‍ പറയുന്നത്. കഴിഞ്ഞ മാസം പതിനഞ്ചിനാണത്രെ മലയാളത്തിലെ പ്രമുഖ ചാനലിലെ വാര്‍ത്താ അവതാരകയായ ശ്രീജയെ കാണാതായത്.

എന്നാല്‍ ഇവരെ ആരും തട്ടിക്കൊണ്ടുപോയതല്ല എന്നാണ് പോലീസ് പറയുന്നത്. തന്നെ ആരും അന്വേഷിക്കേണ്ടതില്ല, താന്‍ സന്യാസിക്കാന്‍ പോകുകയാണെന്നും ഇവര്‍ വീട്ടില്‍ എഴുതിവെച്ച കത്തില്‍ പറയുന്നു. എവിടേക്കാണ് പോകുന്നതെന്ന് മാത്രം കത്തില്‍ പറഞ്ഞിട്ടില്ല. മാത്രമല്ല, കാണാതായതില്‍പ്പിന്നെ ഇവരുടെ മൊബൈല്‍ ഫോണും പ്രവര്‍ത്തിക്കുന്നില്ല.

ഫോണ്‍ ഉപേക്ഷിച്ചതുകൊണ്ടാണ് ഇവരെ കണ്ടെത്താന്‍ കഴിയാത്തത് എന്നാണ് പോലീസിന്റെ വാദം. അതേസമയം ശ്രീജയ്‌ക്കൊപ്പം തിരുവനന്തപുരം സ്വദേശിയായ ഒരു ലൈബ്രറി ഉദ്യോഗസ്ഥനെയും കാണാതായതായി റിപ്പോര്‍ട്ടുണ്ട്. പ്രകാശിനെ കാണാതായ കേസ് മണ്ണന്തല പോലീസും ശ്രീജയുടെ തിരോധാനം വെഞ്ഞാറമൂട് പോലീസുമാണ് അന്വേഷിക്കുന്നത്.

ടി വി അവതാരകയുടെ ഭര്‍ത്താവ് വിദേശത്ത് ജോലി ചെയ്തുവരികയാണ്. ഇവര്‍ക്ക് രണ്ടുമക്കളുമുണ്ട്. ശ്രീജ വീട്ടില്‍ നിന്നും പുറപ്പെട്ടുപോകാനുള്ള കാരണങ്ങളെക്കുറിച്ച് വീട്ടുകാര്‍ക്കും ഒന്നും അറിയില്ലത്രെ.

English summary
Reports say that Police has no clue about Sreeja even after one month of her missing. She was working as news reader in a news channel in Thiruvananthapuram.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more