കുടിയനായ ഭര്‍ത്താവിനെ ഭാര്യ തലക്കടിച്ചുകൊന്നു

ഗാസിയബാദ്: മദ്യപാനവും പീഡനവും അതിര് വിട്ടപ്പോള്‍ ഭാര്യ ഭര്‍ത്താവിനെ തല്ലിക്കൊന്നു. ചുറ്റിക കൊണ്ട് തലക്ക് അടിച്ചാണ് കൊന്നത്. ഗാസിയാബാദില്‍ 2013 ആഗസ്റ്റ് 30 ന് വെള്ളിയാഴ്ച ആണ് സംഭവം പുറത്തറിയുന്നത്.രാംപുരിയിലെ രാം ശര്‍മ എന്ന 45 കാരനാണ് ഭാര്യ ശാന്തയുടെ അടിയേറ്റ് മരിച്ചത്. ദിവസവും മദ്യപിച്ച് വീട്ടിലെത്തിയിരുന്ന രാം ശര്‍മയെ ഭാര്യയെ ക്രൂരമായി പീഡിപ്പിക്കാറുണ്ടായിരുന്നു.

വ്യാഴാഴ്ചയും ഇതു പോലെ തന്നെ രാം ശര്‍മ നന്നായി മദ്യപിച്ചാണ് രാത്രിയില്‍ വീട്ടിലെത്തിയത്. വാതില്‍ തുറക്കാന്‍ വൈകി എന്ന് പറഞ്ഞ് നല്ല ദേഷ്യത്തിലായിരുന്ന രാം ശര്‍മ, ശാന്ത വതില്‍ തുറന്നതും അടി തുടങ്ങി. വീട്ടിന് അകത്തെത്തി വീണ്ടും ക്രൂരമായി മര്‍ദ്ദിക്കാന്‍ തുടങ്ങി. അക്രമം സഹിക്കവയ്യാതെ ആയപ്പോഴാണ് ശാന്ത ചുറ്റികയെടുത്ത് ഭര്‍ത്താവിന്റെ തലക്ക് അടിച്ചത്.

വെള്ളിയാഴ്ച രാവിലെ മകളാണ് പിതാവ് മരിച്ച് കിടക്കുന്നത് കണ്ട്. തൊട്ടുത്ത് അമ്മയും കിടക്കുന്നുണ്ടായിരുന്നു. സംഭവം പുറത്തറിഞ്ഞതോടെ പോലീസെത്തി ശാന്തയെ അറസ്റ്റ് ചെയ്തു. സ്ഥിരമായി മദ്യപിച്ചെത്തി പീഡിപ്പിച്ചതിനെ തുടര്‍ന്നാണ് ഇത്തരത്തില്‍ പ്രതികരിച്ചതെന്ന് ശാന്ത പോലീസിന് മൊഴി നല്‍കിയിട്ടുണ്ട്.

English summary

A man who used to return home in Ghaziabad drunk every night and thrash his wife was killed by the enraged woman, police said on Friday. മ