വിവാഹവാഗ്ദാനം നല്കിപീഡനം;പോസ്റ്റ്മാന്അറസ്റ്റില്
അഞ്ചാം ക്ളാസ് വിദ്യാഭ്യാസം മാത്രമുള്ള പെണ്കുട്ടി ഇപ്പോള് ഒരു പപ്പട കന്പനിയില് ജോലി ചെയ്യുകയാണ്. പെണ്കുട്ടിയുടെ അകന്ന ബന്ധുവാണ് പ്രതി. മധുരയില് തന്റെ ബന്ധു വീട് സന്ദര്ശിയ്ക്കുന്നതിന് വേണ്ടി ഒരു വര്ഷം മുന്പ് പ്രതി പെണ്കുട്ടിയുടെ നാട്ടിലെത്തിയിരുന്നു. പെണ്കുട്ടിയുമായി പരിചയത്തിലായ യുവാവ് പിന്നെ ഇടയ്ക്കിടെ ബന്ധു വീട് സന്ദര്ശിയ്ക്കാന് തുടങ്ങി.
കഴിഞ്ഞ ഒരു വര്ഷമായി ഇവര് പ്രണയത്തിലാണ്. പെണ്കുട്ടിയുടെ സമ്മതത്തോടെ ഇയാള് പെണ്കുട്ടിയെ പല തവണ പീഡിപ്പിച്ചിട്ടുണ്ട്. വിവാഹം കഴിയ്ക്കാമെന്ന് ഉറപ്പ് നല്കിയാണ് ഇയാള് പെണ്കുട്ടിയെ പീഡിപ്പിച്ചിരുന്നത്. യുവാവും പെണ്കുട്ടിയും തമ്മിലുള്ള ബന്ധം കുറച്ച് മാസങ്ങള്ക്ക് മുന്പാണ് പെണ്കുട്ടിയുടെ വീട്ടുകാര് അറിയുന്നത്.
തുടര്ന്ന് ഇവര് യുവാവിനെ കാണുകയും വിവാഹകാര്യത്തെപ്പറ്റി അന്വേഷിയ്ക്കുകയും ചെയ്തു. എന്നാല് യുവാവ് ഒഴിഞ്ഞ് മാറുകയും മധുരയിലേയ്ക്കുള്ള വരവ് നിര്ത്തുകയും ചെയ്തു. തുടര്ന്ന് പെണ്കുട്ടിയുടെ അമ്മ പൊലീസില് ആഗസ്റ്റ് 31 ന് പൊലീസില് പരാതി നല്കി. തുടര്ന്ന് സെപ്റ്റംബര് ഒന്നിന് പ്രതിയെ അറസ്റ്റ് ചെയ്തു.