ദില്ലി ഗോള്ഫ് ക്ലബ്: വാടക ചില്ലറ, മൂല്യം കോടികള്
ദില്ലി: ഗോള്ഫ് കോളബ്ബുകള് എല്ലാ നാടുകളിലും വിവാദം ഉണ്ടാക്കാന് വേണ്ടി നിര്മിച്ചവയാണോ എന്ന് സംശയം തോന്നും. കുറേ കാലം വിവാദങ്ങളില് കുടുങ്ങിക്കിടന്ന കേരളത്തിലെ ഗോള്ഫ് ക്ലബ്ബിന് പുറമേ ദില്ലി ഗോള്ഫ് ക്ലബ്ബും വാര്ത്തകളില് ഇടം പിടിക്കുകയാണ്.
ദില്ലി ഗോള്ഫ് ക്ലബ്ബ് വിവരാവകാശ നിയമത്തിന്റെ പരിധിയില് വരുമെന്ന വിവരാവകാശ കമ്മീഷണറുടെ ഉത്തരവാണ് പുതിയ വിവാദത്തിന് തിരികൊളുത്തിയിരിക്കുന്നത്. കേന്ദ്ര സര്ക്കാരിന്റെ ഇളവ് പറ്റി പ്രവര്ത്തിക്കുന്ന ഗോള്ഫ് ക്ലബ്ബിന് വിവരാവകാശ നിയമത്തില് നിന്ന് ഒഴിഞ്ഞ് നില്ക്കാനാവില്ലെന്നും വിവരാവകാശ കമ്മീഷണര് അറിയിച്ചു.
വര്ഷം 5.82 ലക്ഷം രൂപയാണ് ദില്ലി ഗോള്ഫ് ക്ലബ്ബ് സര്ക്കാരിലേക്ക് പാട്ടത്തുകയായി നല്കുന്നത്. ദില്ലിയിലെ 'എ ക്ലാസ്സ്' പ്രദേശങ്ങളില് സര്ക്കാരിന്റെ കണക്കനുസരിച്ച് ചതുരശ്ര മീറ്ററിന് 6.45 ലക്ഷം ആണ് വില. അത്തരം സ്ഥലത്ത് ഗോള്ഫ് ക്ലബ്ബിന് 179 ഏക്കറുണ്ട്. വാടക കൊടുക്കുന്നത് ഒരു ചതുരശ്രമീറ്ററിന്റെ വിലയേക്കാള് കുറവും.
ഈ സാഹചര്യങ്ങള് പരിഗണിച്ച് വിവരാവകാശ കമ്മീഷണര് എംഎല് ശര്മ വലിയ ആരോപണമാണ് ഗോള്ഫ് ക്ലബ്ബിനെതിരെ ഉന്നയിച്ചിരിക്കുന്നത്. ചില്ലറപ്പണം മാത്രം കൊടുത്ത് 46,722 കോടി രൂപ വിലവരുന്ന ഭൂമി ഗോള് ക്ലബ്ബ് കയ്യടക്കിവച്ചിരിക്കുകയാണെന്നാണ് വിവരാവകാശ കമ്മീഷണര് കണ്ടെത്തിയിരിക്കുന്നത്.
തങ്ങള് ഒരു സ്വകാര്യ കമ്പനിയാണെന്നും വിവരാവകാശ നിയമത്തിന്റെ കീഴില് വരില്ല എന്നുമായിരുന്നു ഗോള്ഫ് ക്ലബ്ബിന്റെ വാദം. സര്ക്കാരിന്റെ സഹായം പറ്റി പ്രവര്ത്തിക്കുന്ന സ്ഥാപങ്ങള്ക്ക് അങ്ങനെ ഇളവ് നല്കാനാവില്ലെന്ന് കമ്മീഷനും ഉറപ്പിച്ച് പറയുന്നു.
സുഭാഷ് അഗര്വാള് എന്ന വിവരാവകാശ പ്രവര്ത്തകന് ഗോള്ഫ് ക്ലബ്ബിന് വിവരാവകാശനിയമ പ്രകാരം നല്കിയ അപേക്ഷ തള്ളിയപ്പോഴാണ് അദ്ദേഹം കമ്മീഷനെ സമീപിച്ചത്. ദില്ലി ഗോള്ഫ് ക്ലബ്ബിന്റെ മാനേജ്മെന്റ് കമ്മിറ്റിയില് കേന്ദ്ര സര്ക്കാരിന്റെ നോമിനികള് ഉണ്ടെന്നും, പല മന്ത്രാലങ്ങള്ക്കും വിഭാഗങ്ങള്ക്കും ക്ലബ്ബില് പ്രതിനിധികളികള് ഉണ്ടെന്നും സുഭാഷ് അഗര്വാള് വ്യക്തമാക്കി.
ഒടുവില് ഗോള്ഫ് ക്ലബ്ബില് ഒരു പബ്ലിക് ഇന്ഫര്മേഷന് ഓഫീസറെ നിയമിക്കണമെന്ന് വിവരാവകാശ കമ്മീഷണര് ഉത്തരവിട്ടു. ഒരു അപ്പലേറ്റ് അതോറിറ്റിയേയും നിയോഗിക്കണം. ഉത്തരവ് കൈപ്പറ്റി ആറ് ആഴ്ചകള്ക്കുള്ളില് ഇക്കാര്യങ്ങള് നടപ്പിലാക്കണമെന്നാണ് അന്ത്യശാസനം.
ദില്ലിയിലെ ഏറ്റവും വിലപിടിപ്പുള്ള കാര്യങ്ങളില് ഒന്നാണ് ദില്ലി ഗോള്ഫ് ക്ലബ്ബിലെ മെമ്പര്ഷിപ്പ്. ഇപ്പോള് നിങ്ങള് അപേക്ഷ സമര്പ്പിച്ചാല് തന്നെയും ഒരു മുപ്പത് കൊല്ലം കഴിഞ്ഞാലെ പരിഗണിക്കുകപോലുമുള്ളൂ.
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google