ട്രൈനി പെണ്‍കുട്ടിയുടെ മരണം;10 പേര്‍ അറസ്റ്റില്‍

നാസിക്: കോളേജുകളില്‍ ജൂനിയേഴ്‌സിനെ റാഗ് ചെയ്യുന്ന കേസുകള്‍ ഇപ്പോഴും ഉണ്ടാകാറുണ്ട്. ജോലി ചെയ്യുന്‌ന ഒരു ബഹുരാഷ്ട്ര കമ്പനിയില്‍ ഇത്തരം റാഗിങ് നടന്നാലോ... നാസിക്കില്‍ ഇപ്രകാരം നടന്നു എന്ന് മാത്രമല്ല അത് ഒരാളുടെ മരണത്തിന് പോലും ഇടയാക്കി

ബഹുരാഷ്ട്ര കമ്പനിയില്‍ ട്രൈനിയായിരുന്ന പെണ്‍കുട്ടി മരിച്ച സംഭവത്തില്‍ പോലീസ് 10 പേരെ അറസ്റ്റ് ചെയ്തു. കമ്പനിയിലെ ജീവനക്കാരായ 10 ചെറുപ്പക്കാരാണ് അറസ്റ്റിലായത്.

19 വയസ്സുള്ള പ്രണാലി രഹാനെ എന്ന പെണ്‍കുട്ടിയാണ് മരിച്ചത്. കൈത്തണ്ടയിലെ ഞരമ്പ് മുറിച്ച പെണ്‍കുട്ടി കിടപ്പുമുറിയിലെ ഫാനില്‍ തൂങ്ങിമരിക്കാനും ശ്രമിച്ചു. രക്ഷിതാക്കള്‍ കണ്ടെത്തി ഉടന്‍ തന്നെ ആശുപത്രിയില്‍ പ്രവേശിപ്പിക്കുകയായിരുന്നു. എന്നാല്‍ 2013 സെപ്റ്റംബര്‍ 4 ന് ആശുപത്രിയില്‍ വച്ച് മരിച്ചു.

പെണ്‍കുട്ടിയുടെ ആത്മഹത്യ കുറിപ്പിന്റെ അടിസ്ഥാനത്തിലാണ് കമ്പനിയിലെ ജീവനക്കാരെ പോലീസ് അറസ്റ്റ് ചെയ്തത്. ട്രൈനിയായ പെണ്‍കുട്ടിയെ ഇവര്‍ റാഗ് ചെയ്തിരുന്നു എന്നാണ് കത്തിലുള്ളത്. മാനസിക പീഡനം താങ്ങാനാകാതെ വന്നപ്പോഴാണ് ആത്മഹത്യ ചെയ്യാന്‍ തീരുമാനിച്ചതെന്നും പെണ്‍കുട്ടിയുടെ മുറിയില്‍ നിന്ന് ലഭിച്ച കുറിപ്പില്‍ ഉണ്ടെന്ന് പോലീസ് പറഞ്ഞു.

ആത്മഹത്യക്ക് പ്രേരിപ്പിച്ചതിനും റാഗ് ചെയ്തതിനും ആണ് 10 പേര്‍ക്കെതിരെ കേസ് എടുത്തിരിക്കുന്നത്. പ്രണാലി രഹാനെ ബഹുരാഷ്ട്ര കമ്പനിയില്‍ രണ്ട് വര്‍ഷമായി ട്രൈനിയായി ജോലി ചെയ്ത് വരികയായിരുന്നു.

English summary

Ten graduates interning at a multi-national company in Nasik in Maharashtra have been arrested after a young girl working as a trainee with them died in hospital today.