കൊലപാതകിയുടെ യൂട്യൂബ് കുമ്പസാരം വൈറലാകുന്നു

വാഷിംഗ്ടണ്‍: ഒരാളെ കൊലപ്പെടുത്തിയ ശേഷം യൂട്യൂബിലൂടെ കുമ്പസാരിക്കുക. സോഷ്യല്‍ നെറ്റ് വര്‍ക്കിംഗ് വെബ്‌സൈറ്റുകളുടെ കാലത്തെ ഓരോരോ അതഭുതങ്ങള്‍ നോക്കണേ. മദ്യപിച്ച് കാറോടിച്ച് ഒരാളെ കൊലപ്പെടുത്തിയ മാത്യു കോര്‍ഡില്‍ എന്ന അമേരിക്കക്കാരന്റെ യൂട്യൂബിലൂടെയുള്ള കുമ്പസാരമാണ് വൈറലാകുന്നത്.

2013 ജൂണ്‍ 22 ന് കൂട്ടുകാരോടൊപ്പം മദ്യപിച്ച് കാറോടിച്ചുവരുന്ന വഴി മറ്റൊരു കാറില്‍ ഇടിച്ച് ഒരാളെ കൊന്നു എന്നാണ് മാത്യൂസ് തന്റെ വെളിപ്പെടുത്തലില്‍ പറയുന്നത്. ഈ കൊലപാതകത്തിന്റെ എല്ലാ ഉത്തരവാദിത്തവും താന്‍ ഏറ്റെടുക്കുന്നു എന്നും ഇയാള്‍ പറയുന്നു. വീഡിയോ നിയമപരമായ കുരുക്കുകളില്‍ തന്നെ കൊണ്ടെത്തിക്കുമെന്ന് അറിഞ്ഞുതന്നെയാണ് ഇയാള്‍ വെളിപ്പെടുത്തലുകള്‍ നടത്തിയിരിക്കുന്നത്.

വണ്ടിയിടിച്ച ശേഷം നിരവധി വക്കീലന്മാരെ സമീപിച്ചു എന്നും ഒരു കുഴപ്പവും ഉണ്ടാകാതെ നോക്കിക്കൊള്ളാം എന്നും അവര്‍ വാഗ്ദാനം നല്‍കിയതായും മാത്യൂസ് പറയുന്നു. എന്നാല്‍ തനിക്ക് ആ വഴി വേണ്ട. ഒരാളെ കൊലപ്പെടുത്തിയതിന്റെ മുഴുവന്‍ ഉത്തരവാദിത്തവും താന്‍ ഏല്‍ക്കുകയാണ്.

വിവാദ വെളിപ്പെടുത്തലിനൊപ്പം, നിങ്ങളാരും മദ്യപിച്ച് വണ്ടിയോടിക്കരുത് എന്നൊരു ഉപദേശവും മാത്യൂസ് കാഴ്ചക്കാര്‍ക്കായി നല്‍കുന്നുണ്ട്. കുറച്ച് കിലോമീറ്ററുകള്‍ മാത്രമാണെങ്കില്‍ പോലും മദ്യപിച്ച് വാഹനം ഓടിക്കരുത്. അഥവാ അപകടമുണ്ടായാലും അപകടത്തില്‍പ്പെട്ടയാളെ രക്ഷിക്കാന്‍ മടിക്കരുത്.

എന്തായാലും വീഡിയോ ഓണ്‍ലൈനില്‍ വൈറലാകുകയാണ്. ലക്ഷക്കണക്കിന് ആളുകളാണ് ഇതിനോടകം ഈ വീഡിയോ കണ്ടത്. മൂന്നരമിനുട്ടാണ് വീഡിയോയുടെ ദൈര്‍ഘ്യം. മാത്യൂസ് കോര്‍ഡി ഇനിയും ഈ കൊലപാതകത്തിന്റെ പേരില്‍ അറസ്റ്റ് ചെയ്യപ്പെട്ടിട്ടില്ല എന്നാണ് റിപ്പോര്‍ട്ടുകള്‍.

English summary

I killed a man: YouTube confession video goes viral. In a controversial video Matthew Cordle says he is willing to take 'full responsibility' for the death.