പ്രണയം നിരസിച്ച പെണ്കുട്ടിയുടെ അച്ഛനെ വെടിവെച്ചു
പെണ്കുട്ടിയുടെ അച്ഛനെ വെടിവെച്ച് പരിക്കേല്പ്പിച്ച ശേഷം അമ്മയെ വീട്ടില് കയറി ആക്രമിച്ചാണ് യുവാവ് പ്രണയം നിരസിക്കപ്പെട്ടതിന്റെ ദേഷ്യം തീര്ത്തത്. കിഴക്കന് ദില്ലിയിലെ ജ്യോതി നഗറിലാണ് പെണ്കുട്ടിയുടെ അച്ഛനമ്മമാര് ആക്രമിക്കപ്പെട്ടത്.
ജ്യോതി നഗറിലെ 55 കാരനായ യോഗേഷ്, ഭാര്യ പൂനം എന്നിവെ ആശുപത്രിയില് പ്രവേശിപ്പിച്ചത്. ഞായറാഴ്ച രാവിലെയോടെയാണ് യുവാവ് പെണ്കുട്ടിയുടെ വീട്ടിലെത്തി വിവാഹാഭ്യര്ത്ഥന നടത്തിയത്.
എന്നാല് പെണ്കുട്ടി ഇത് സമ്മതിച്ചില്ല. പെണ്കുട്ടിയുടെ മറുപടി കേട്ട് രോഷാകുലനായ യുവാവ് തോക്കെടുത്ത് വെടിവെക്കുകയായിരുന്നു. പെണ്കുട്ടിയുടെ അച്ഛന്റെ വയറിലാണ് വെടിയേറ്റത്.
പെണ്കുട്ടിയുടെ അച്ഛനെ വെടിവെച്ച ശേഷം വീടിനകത്ത് കയറി അമ്മയെയും ഇയാള് മര്ദ്ദിച്ചു. വടി കൊണ്ടാണ് ഇയാള് പെണ്കുട്ടിയുടെ അമ്മയെ തല്ലിയത്. ഇവരുടെ പരാതിപ്രകാരം യുവാവിനെതിരെ പോലീസ് കേസെടുത്തു. ഇപ്പോള് ഇയാള് ഒളിവിലാണ്. ഇയാള്ക്ക് വേണ്ടി തിരച്ചില് ആരംഭിച്ചതായി പോലീസ് പറഞ്ഞു.