എഡിബി തട്ടിപ്പ് : ഫിറോസിന് ജാമ്യം അനുവദിച്ചു
സോളാര് കേസുമായി ബന്ധപ്പെട്ട മറ്റ് കേസുകളില് ഫിറോസിന് ബന്ധമുണ്ടോ എന്ന് അന്വേഷിക്കേണ്ടതുള്ളതിനാല് ജാമ്യം അനുവദിക്കരുതെന്ന് സര്ക്കാര് വാദിച്ചു. എന്നാല്, ഇതുവരെയുള്ള അന്വേഷണത്തില് ഫിറോസിന് മറ്റ് തട്ടിപ്പുമായി ബന്ധമുള്ളതായി കണ്ടെത്തിയിട്ടില്ലെന്നും എഡിബി വായ്പ്പാ തട്ടിപ്പുമായി ബന്ധപ്പെട്ട അന്വേഷണം പൂര്ത്തിയായ സാഹചര്യത്തില് ജാമ്യം അനുവദിക്കാമെന്നും ഫിറോസിന്റെ അഭിഭാഷകന് വ്യക്തമാക്കി.
ബിജു രാധാകൃഷ്ണനും സരിത എസ് നായര്ക്കുമൊപ്പം നിന്ന് 25 കോടിയുടെ എഡിബി വായ്പ്പാ സംഘടിപ്പിച്ചു നല്കാം എന്ന് വാഗ്ദാനം നല്കി സലീം കബീര് എന്നയാളില് നിന്ന് 40 ലക്ഷം തട്ടിയ കേസിനാണ് ഫിറോസിന് ജാമ്യം ലഭിച്ചത്. കേസില് ഇടപെടരുതെന്നും മൂന്ന് മാസത്തേക്ക് തിരുവനന്തപുരം വിട്ട് പോകരുതെന്നും ജാമ്യം അനുവദിച്ചുകൊണ്ട് കോടതി വ്യക്തമാക്കി. ജസ്റ്റിസ് എസ്എസ് സതീശ് ചന്ദ്രനാണ് കേസ് പരിഗണിച്ചത്.