ഒളിവിലും ജയാനന്ദന് പണി മോഷണം തന്നെ
ആലപ്പുഴ, തൃശ്ശൂര്, എറണാകുളം ജില്ലകളിലാണ് ജയാനന്ദന് വേഷം മാറി കഴിഞ്ഞിരുന്നത്. ഒളിവില് കഴിഞ്ഞ സമയത്തും താന് മോഷണം നടത്തിയിരുന്നു എന്നും ജയാനന്ദന് പോലീസിനോട് സമ്മതിച്ചു. കൊടകര ക്ഷേത്രത്തിലെ താഴികക്കുടങ്ങളും, ഒളിവില് കഴിഞ്ഞ കാലത്ത് ഉപയോഗിച്ച സിം കാര്ഡുകളും മോഷണം നടത്തിയതായാണ് ജയാനന്ദന് പോലീസിനോട് സമ്മതിച്ചത്.
നെല്ലായില് നിന്നും തിങ്കളാഴ്ച വൈകിട്ടാണ് ജയാനന്ദനെ പോലീസ് പിടികൂടിയത്. പോലീസ് ജീപ്പിന് പിറകിലിരുന്ന സിവില് ഓഫീസറാണ് ജയാനന്ദനെ കണ്ട് തിരിച്ചറിഞ്ഞത്. സൈക്കിളിന് കാറ്റടിച്ചുകൊണ്ട് നില്ക്കുമ്പോഴാണ് ജയാനന്ദനെ പോലീസ് പിടികൂടിയത്. ആദ്യം പേര് മാറ്റിപ്പറഞ്ഞ ജയാനന്ദന് പോലീസ് ചോദ്യം ചെയ്ത് തുടങ്ങിയതോടെ സമ്മതിക്കുകയായിരുന്നു.
ഓച്ചിറ സ്വദേശിയായ പ്രകാശ് എന്ന പ്രതിക്കൊപ്പം ജൂണ് പത്താം തീയതിയാണ് റിപ്പര് ജയാനന്ദന് എന്ന ജയാനന്ദന് ജയില് ചാടിയത്. പ്രകാശനെ രണ്ടുദിവസത്തിന് ശേഷം പോലീസ് പിടികൂടിയിരുന്നു. തിരുവനന്തപുരം സെന്ട്രല് ജയിലില് നിന്നാണ് ജയാനന്ദന് ജയില് ചാടിയത്. തൃശ്ശൂര് പള്ളിപ്പുറം സ്വദേശിയാണ് റിപ്പര് എന്ന് വിളിപ്പേരുള്ള ജയാനന്ദന്. ഇരട്ടക്കൊലപാതകം ഉള്പ്പെടെ 14 കൊലക്കേസുകളാണ് ഇയാളുടെ പേരിലുള്ളത്.