ആലപ്പുഴ നെഹ്റു ട്രോഫി വള്ളംകളി 10ന്, ടിക്കറ്റ് നിരക്ക് 3,000 രൂപ വരെ
ആലപ്പുഴ: പ്രളയം മൂലം മാറ്റിവച്ച പുന്നമട നെഹ്റുട്രോഫി വള്ളംകളി 10 ന് നടക്കും. വള്ളംകളി കാണാന് 100 രൂപ മുതല് 3,000 വരെയാണ് ടിക്കറ്റ് നിരക്കുകള്. തെക്കന് ജില്ലകളിലെ പ്രധാന സര്ക്കാര് ഓഫിസുകളില് നിന്ന് ഓണ്ലൈനായും ടിക്കറ്റ് വാങ്ങാം. ടിക്കറ്റ് നിരക്ക്: ടൂറിസ്റ്റ് ഗോള്ഡ് (ഒരാള്ക്ക്) 3,000 ടൂറിസ്റ്റ് സില്വര് (ഒരാള്ക്ക്) 2,000 റോസ് കോര്ണര് (രണ്ടുപേര്ക്ക്) 1,000 റോസ് കോര്ണര് (ഒരാള്ക്ക്) 600 വിക്ടറി ലെയ്ന് (ഒരാള്ക്ക്) 400 ഓള് വ്യൂ (ഒരാള്ക്ക്) 300 ലേക് വ്യൂ ഗോള്ഡ് (ഒരാള്ക്ക്) 200 ലോണ് (ഒരാള്ക്ക്) 100. യാനങ്ങള്ക്കും ഫീസ് വഞ്ചിവീട്, ബോട്ട് തുടങ്ങിയ യാനങ്ങള് പുന്നമടക്കായലില് നങ്കൂരമിടാനും ഫീസ് നല്കണം.
ആചാരലംഘനമുണ്ടായെങ്കില് തില്ലങ്കേരിയെ 41 ദിവസം ഭജനമിരുത്താം.... മറുപടിയുമായി സുരേന്ദ്രന്
ജില്ലാ ടൂറിസം പ്രമോഷന് കൗണ്സില് ഓഫിസില് ഫീസടച്ചു രസീതു വാങ്ങണം. പോര്ട്ട് ഓഫിസറുടെ നേതൃത്വത്തില് കര്ശന പരിശോധനയുണ്ടാവും. ഫീസ് അടയ്ക്കാത്ത യാനങ്ങള് പിഴ നല്കേണ്ടിവരും. നിരക്കുകള്: പത്തുപേര് വരെയുള്ള യാനങ്ങള് 10,000, 10 15 പേരുള്ളവ, 15,000, 15 20 പേരുള്ളവ 20,000, 20ല് ഏറെപ്പേരുള്ളവ 35,000, അപ്പര് ഡെക്കുള്ളവ 50,000.
തെക്കന് കേരളത്തിലെ എല്ലാ പ്രധാന സര്ക്കാര് ഓഫിസുകളിലും ടിക്കറ്റ് ലഭിക്കും. ഓണ്ലൈനായും വാങ്ങാം (). സൗത്ത് ഇന്ത്യന് ബാങ്കിലും ബുക്ക് മൈ ഷോ, ടിക്കറ്റ് ജീനി എന്നീ ഓണ്ലൈന് സൈറ്റുകളിലും ടിക്കറ്റ് ലഭിക്കും. ഇവയുടെ ലിങ്ക് നെഹ്റു ട്രോഫി ബോട്ട് റേസ് സൊസൈറ്റിയുടെ വെബ്സൈറ്റിലുണ്ട്. വ്യാജ ടിക്കറ്റ് തടയാന് ഇത്തവണ ഹോളോഗ്രാം പതിച്ച ടിക്കറ്റാണു നല്കുന്നത്.