ആലപ്പുഴക്കാരുടെ ചിരകാല സ്വപ്നമായ ബൈപ്പാസ് നിർമാണം അന്തിമഘട്ടത്തിലേക്ക്... റെയിൽവേക്ക് സർവ്വീസ് ചാർജ് അടച്ചു, ജൂണിൽ ബൈപാസ് തുറക്കും?
ആലപ്പുഴ: ആലപ്പുഴക്കാരുടെ ചിരകാല സ്വപ്നമായ ബൈപ്പാസ് നിർമാണം അന്തിമഘട്ടത്തിലേക്ക്. മേൽപാലം നിർമാണത്തിന്റെ സർവീസ് ചാർജ് ഇനത്തിൽ റെയിൽവേക്കു സംസ്ഥാന സർക്കാർ തുക കൈമാറിയതോടെ തിരഞ്ഞെടുപ്പിന്റെ ചൂട് ബാധിക്കാതെ ബൈപാസ് നിർമാണം പുരോഗമിക്കുകയാണ്. ജൂണിൽ ബൈപാസ് തുറക്കാനാണു ലക്ഷ്യം. കാഞ്ഞിരംചിറയിലും കുതിരപ്പന്തിയിലുമായി നിർമിക്കുന്ന രണ്ട് പാലങ്ങളുടെ സർവീസ് ചാർജായി 7.3 കോടി രൂപ സംസ്ഥാന സർക്കാർ റെയിൽവേക്കു കൈമാറി.
ഈ രണ്ട് മേൽപ്പാലങ്ങളുടെ നിർമാണം നടക്കാതിരുന്നതാണ് ബൈപ്പാസ് നിർമാണത്തെ മൊത്തതിൽ ബാധിച്ചത്. ഒന്നര വർഷമായി മറ്റ് നിർമാണങ്ങളുടെ 80 % ശതമാനവും പുർത്തിയായി ഈ രണ്ട് മേൽപ്പാലങ്ങളുടെ നിർമാണത്തിനായി റെയിൽവേയുടെ അനുമതി കാത്തിരിക്കുകയായിരുന്നു സംസ്ഥാനം. 50% തുക കേന്ദ്രമാണു വഹിക്കേണ്ടത്. അതിനു കാത്തുനിൽക്കാതെ നിർമാണം വേഗത്തിലാക്കാൻ തുക മുഴുവനും സംസ്ഥാന സർക്കാർ അടയ്ക്കുകയായിരുന്നു.
ഇതോടെ ബൈപാസ് പൂർത്തീകരിക്കാനുള്ള നിർമാണ തടസ്സങ്ങളെല്ലാം ഒഴിവായി. ഗർഡർ സ്ഥാപിച്ച് പാലം നിർമാണം അതിവേഗം നടത്താനാണ് തീരുമാനം. 2-3 മാസം വേണ്ടിവരും മേൽപാലം നിർമിക്കാൻ. കീറാമുട്ടിയായിരുന്ന റെയിൽവേ മേൽപാലങ്ങളുടെ നിർമാണത്തിനു മുന്നോടിയായി റെയിൽവേ സുരക്ഷാ വിഭാഗത്തിന്റെ പരിശോധന ഈയാഴ്ചതന്നെ നടക്കും. ചെന്നെയിലെ റെയിൽവേ സുരക്ഷാ വിഭാഗം ഉദ്യോഗസ്ഥരും തിരുവനന്തപുരത്തെ ഡിവിഷൻ ഓഫിസ് ഉദ്യോഗസ്ഥരും ചേർന്നാണു പരിശോധന നടത്തുക.
ബൈപാസിന്റെ രണ്ടറ്റങ്ങളായ കൊമ്മാടിയിലും കളർകോട്ടും ജക്ഷൻ വികസനം ഏറെക്കുറെ പൂർത്തിയായി. ഫെൻസിങ് പണികളാണ് ശേഷിക്കുന്നത്. രണ്ടിടത്തും നേരത്തേതന്നെ ദിശാസൂചക ബോർഡുകൾ സ്ഥാപിച്ചിരുന്നു. ഇതുകണ്ട് അപരിചിത വാഹനങ്ങൾ കടന്നുവരുന്നത് അപകടത്തിൽപ്പെടാൻ സാധ്യതയുള്ളതിനാൽ പ്രവേശനഭാഗങ്ങൾ അടച്ചിരിക്കുകയാണ്. എലിവേറ്റഡ് റോഡ് രണ്ട് മേൽപാലത്തിന്റെ നിർമാണം കൂടാതെ എലിവേറ്റഡ് റോഡിൽ ടാറിങ്ങും ബാക്കിയുണ്ട്. 6.8 കിലോമീറ്റർ ദൈർഘ്യമുള്ള ബൈപാസിൽ 3.2 കിലോമീറ്ററാണ് എലിവേറ്റഡ് റോഡ്. അത്രയും ഭാഗം ബിറ്റുമിൻ കോൺക്രീറ്റ് ചെയ്യുന്ന പണിയാണ് ശേഷിക്കുന്നത്. മേൽപാലം നിർമാണത്തിനൊപ്പം ഇതും പൂർത്തിയാക്കാൻ കഴിയുമെന്നാണു പ്രതീക്ഷ.
-
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
അരൂർ-തുറവൂർ എലിവേറ്റഡ് ഹൈവേ; പദ്ധതി വൈകിച്ച് കെഎസ്ഇബിയും എൻഎച്ച്എഐയും, യാത്രക്കാർ ദുരിതത്തിൽ -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ? -
പാകിസ്ഥാനിലെ യുഎസ്-ഇറാൻ ചർച്ച പരാജയം; പിന്നാലെ റഷ്യയുടെ എൻട്രി, മധ്യസ്ഥത്തിന് സന്നദ്ധത അറിയിച്ച് പുടിൻ
Click it and Unblock the Notifications
Sign in with Google