നെഞ്ചിന് കൂട് തുറക്കാതെ ഹൃദയ ശസ്ത്രക്രിയ; ആലപ്പുഴ മെഡിക്കല് കോളേജിന് അഭിമാന നേട്ടം
ആലപ്പുഴ : ഹൃദയ ചികിത്സയില് അതിനൂതനമായ ശസ്ത്രക്രിയ രീതിയായ മിനിമല് ഇന്വാസിവ് കാര്ഡിയക് സര്ജറി വിജയകരമാക്കിയിരിക്കുകയാണ് ആലപ്പുഴ ഗവ. മെഡിക്കല് കോളേജ് ആശുപത്രി. സാധാരണ രീതിയില് ഹൃദയ ശസ്ത്രക്രിയ രോഗിയുടെ നെഞ്ചിന്കൂട് തുറന്നാണ് ചെയ്യാറുള്ളത്. എന്നാല് ഈ അതിനൂതന ശസ്ത്രക്രിയ രീതിയില് രോഗിയുടെ ഇടത് വശത്തെ വാരിയെല്ലിന്റെ വിടവിലൂടെ ചെറിയ മുറിവുണ്ടാക്കിയുള്ള സര്ജറിയാണ് നടത്തുന്നത്. ആലപുഴ മെഡിക്കല് കോളേജില് ആദ്യമായാണ് ഈ രീതിയില് ഹൃദയ ശസ്ത്രക്രിയ നടത്തുന്നത് .
ആലപ്പുഴ കഞ്ഞിപ്പാടം മടവനമഠം വീട്ടില് 48 വയസ്സുകാരി ശ്രീദേവിയാണ് ശസ്ത്രക്രിയ്ക്ക് വിധേയയായത്. ആലപ്പുഴ മെഡിക്കല് കോളേജിലെ ഹൃദയ ശസ്ത്രക്രിയ വിഭാഗം മേധാവി ഡോ.രതീഷ് രാധാകൃഷ്ണന്റെ നേതൃത്വത്തില് ഡോ. കെ റ്റി ബിജു, ഡോ. എസ് ആനന്ദകുട്ടന്, ഡോ. എ ഫൈസല്, അനസ്തേഷ്യ വകുപ്പ് മേധാവി ഡോ. ഹരികൃഷ്ണന്, ഡോ. തന്ന, ഡോ. ബ്രിജേഷ്, ഡോ. അശ്വതി തുടങ്ങിയവരാണ് ശസ്ത്രക്രിയ വിജയകരമായി നടത്തിയത്.
സ്വകാര്യമേഖലയില് ഏകദേശം പത്ത് ലക്ഷം രൂപ ചെലവ് വരുന്ന ശസ്ത്രക്രിയ സര്ക്കാരിന്റെ ആരോഗ്യ ഇന്ഷുറന്സ് വഴി സൗജന്യമായാണ് രോഗിക്ക് ലഭ്യമാക്കിയതെന്നും സാങ്കേതിക പരിമിതികള്ക്കിടയിലും ജീവനക്കാരുടെ ഒത്തൊരുമയാണ് ശസ്ത്രക്രിയ വിജയകരമാക്കിയതെന്നും ഹൃദയ ശസ്ത്രക്രിയ വിഭാഗം മേധാവി ഡോ. രതീഷ് രാധാകൃഷ്ണന് പറഞ്ഞു. ശരീരത്തിലെ എല്ലുകള് ഒന്നും മുറിക്കാതെ ചെയ്യുന്ന ഈ നൂതന രീതിയില് നെഞ്ചില് ഉണ്ടാകുന്ന അണുബാധ, കലകള് എന്നിവ ഒഴിവാക്കാനും വെന്റിലേറ്റര് സഹായത്തിന്റെ ദൈര്ഘ്യം കുറയ്ക്കാനും രോഗിയുടെ ആശുപത്രിവാസം കുറച്ച് എത്രയും പെട്ടെന്ന് പൂര്ണ്ണ ആരോഗ്യം കൈവരിക്കുന്നതിനും സാധിക്കും.
ഹൃദയ ശസ്ത്രക്രിയ രംഗത്തെ അധിനൂതന സാങ്കേതിക ഉപകരണങ്ങള് വാങ്ങുന്നതിന്റെ ടെന്ഡര് നടപടികള് ആശുപത്രിയില് പുരോഗമിക്കുകയാണ്. ഇത് ലഭ്യമാക്കുന്നതോടെ വാല്വ് ശസ്ത്രക്രിയ അടക്കമുള്ള ഹൃദയ ശസ്ത്രക്രിയകള് എം.ഐ. സി. എസ്. ലേക്ക് മാറ്റാന് സാധിക്കും . അവസാനഘട്ട നിര്മ്മാണ പ്രവര്ത്തനങ്ങള് നടക്കുന്ന സൂപ്പര് സ്പെഷ്യാലിറ്റി ബ്ലോക്ക് പ്രവര്ത്തനമാരംഭിക്കുന്നതോടു കൂടി സ്വകാര്യമേഖലയില് ലക്ഷങ്ങള് ചെലവാകുന്ന ഇത്തരം ചികിത്സകള് രോഗികള്ക്ക് പൂര്ണമായ തോതില് സൗജന്യമായി നല്കാന് ആശുപത്രിക്ക് സാധിക്കും .
-
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന് -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
മീനാക്ഷിക്ക് ഇത്തവണ മഞ്ജു വാര്യരുടെ ലൈക്ക് ഇല്ല?;വൈറലായി പുതിയ ഫോട്ടോ..മകളെ ചേർത്ത് പിടിച്ച് ദിലീപ് -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
രേണു സുധിയെ ദുബായ് പൊലീസ് നാട്ടിലേക്കു കയറ്റിവിട്ടു? പ്രതികരണവുമായി രേണു: താനിപ്പോഴും ദുബായില് -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല്
Click it and Unblock the Notifications
Sign in with Google