Click it and Unblock the Notifications
Just In
Don't Miss
-
ആര്ക്കും ദുഃഖമില്ല; എല്ലാവര്ക്കും വേണ്ടത് ഗോസിപ്പുകള്; സുശാന്തിന്റെ ഓര്മകളില് സംവിധായകന് -
10,000 ശതമാനം ലാഭം നൽകിയ ഓഹരി, 1 ലക്ഷം രൂപ ഇന്ന് 1 കോടിയാണ്, മുന്നേറ്റം തുടരും, കൂടെക്കൂട്ടുന്നോ -
ഏതെങ്കിലും 'വേദനിക്കുന്ന' കോടീശ്വരൻ്റേതാവാനാണ് സാധ്യത! കോടികൾ വിലയുളള ബെൻ്റലി ഉപേക്ഷിക്കപ്പെട്ട നിലയിൽ -
രാത്രിയിലെ ഇടക്കിടെയുള്ള മൂത്രമൊഴിക്കല് ഒട്ടും നിസ്സാരമാക്കല്ലേ: ഗുരുതരാവസ്ഥ ശ്രദ്ധിക്കണം -
IPL 2024: ദൂബെ ലോകകപ്പ് കളിക്കും, ഗുണം ചെയ്ത് ആ തന്ത്രം; ചെന്നൈ താരത്തെ പുകഴ്ത്തി ഡിവില്യേഴ്സ് -
ഇപ്പോഴത്തെ പിള്ളേരുടെ ട്രെൻഡിന് ബെസ്റ്റാ! ഉത്സവപ്പറമ്പിലെ 'കളിപ്പാട്ടം' പോലെ ബോറിങ് ഫോൺ ദേ എത്തി -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
ആറന്മുളയുടെ പുനര്‍നിര്‍മാണം: സമഗ്ര സര്‍വേയ്ക്ക് തുടക്കം, സര്‍വേയ്ക്ക് പിന്നില്‍ വിദ്യാര്‍ത്ഥികള്‍!
പത്തനംതിട്ട: പ്രളയജലം തകര്‍ത്ത ആറന്മുളയുടെ പുനര്‍നിര്‍മാണത്തിന് വേണ്ടിയുള്ള സമഗ്രസര്‍വേയ്ക്ക് തുടക്കമായി. ആറന്മുളയുടെ സാംസ്‌കാരിക തനിമ ചോരാതെ പുനര്‍നിര്‍മാണം നടത്താനാണ് സമഗ്രസര്‍വേയെന്ന് വീണാജോര്‍ജ് എം.എല്‍.എ പറഞ്ഞു. ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ആര്‍ക്കിടെക്‌സിന്റെ നേതൃത്വത്തില്‍ ആറന്മുള സഹകരണ എഞ്ചിനിയറിംഗ് കോളജ്, ശ്രീബുദ്ധ എഞ്ചിനിയറിംഗ് കോളജ്, മുസലിയാര്‍ എഞ്ചിനിയറിംഗ് കോളജ്, കടമ്മനിട്ട മൗണ്ട് സിയോണ്‍ എഞ്ചിനിയറിംഗ് കോളജ്, ഇലവുംതിട്ട വനിതാ ഐടിഐ എന്നിവിടങ്ങളിലെ വിദ്യാര്‍ഥികളാണ് സര്‍വേ നടത്തുന്നത്.
ആദ്യഘട്ടത്തില്‍ ആറന്മുള, മല്ലപ്പുഴശ്ശേരി പഞ്ചായത്തുകളെ കേന്ദ്രീകരിച്ചായിരിക്കും പദ്ധതി നടപ്പാക്കുക. ആധുനിക സാങ്കേതിക വിദ്യകളുടെ സാധ്യതകളെ പരമാവധി പ്രയോജനപ്പെടുത്തിയാണ് സര്‍വേ. ഇതിനായി നിലവില്‍ ഒരു മൊബൈല്‍ ആപ്ലിക്കേഷന്‍ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ആര്‍ക്കിടെക്‌സിന്റെ നേതൃത്വത്തില്‍ വികസിപ്പിച്ചെടുത്തിട്ടുണ്ട്.
അത് കൂടാതെ, ജിയോടാഗ്, ഡ്രോണ്‍ എന്നീ സംവിധാനങ്ങളുടെ സാധ്യതകള്‍ കൂടി സര്‍വേയില്‍ ഉപയോഗപ്പെടുത്തുന്നുണ്ട്. കാലാവസ്ഥാ വ്യതിയാനമുണ്ടാക്കിയ ദുരിതങ്ങള്‍ പരിഗണിച്ചും നദീതടം അടിസ്ഥാനമാക്കിയുള്ളതുമാണ് സര്‍വേ. ദുരിതബാധിതരുടെ ദീര്‍ഘകാല പുനരധിവാസം, ഈ പ്രദേശങ്ങളിലെ ഭാവിയിലെ നിര്‍മാണപ്രവര്‍ത്തനങ്ങളുടെ സ്വഭാവം, വികസനത്തിന്റെ രീതികള്‍ തുടങ്ങിയ എല്ലാ കാര്യങ്ങളും ഉള്‍പ്പെടുത്തിയാണ് സര്‍വേ.
കൂടാതെ പ്രളയത്തിലുണ്ടായ നഷ്ടങ്ങള്‍, നശിച്ച വീടുകളുടെ കണക്കുകള്‍ എന്നിങ്ങനെ എല്ലാത്തരത്തിലുള്ള സാമ്പത്തിക നഷ്ടങ്ങളും രേഖപ്പെടുത്തും. അതിന് ശേഷം ശേഖരിച്ച വിവരങ്ങള്‍ പരിശോധിക്കും. ഒരാഴ്ചയ്ക്കുള്ളില്‍ സര്‍വേ പൂര്‍ത്തിയാക്കി റിപ്പോര്‍ട്ട് സമര്‍പ്പിക്കാനാണ് വോളന്റിയേഴ്‌സിന് നിര്‍ദ്ദേശം നല്‍കിയിരിക്കുന്നത്. സര്‍വേ റിപ്പോര്‍ട്ടിന്റെ അടിസ്ഥാനത്തിലായിരിക്കും ആറന്മുള നിയോജകമണ്ഡലത്തിന്റെ പുനര്‍നിര്‍മാണത്തെക്കുറിച്ച് തീരുമാനിക്കുക.
