കുപ്രസിദ്ധ തട്ടിപ്പുവീരന് ജയപ്രകാശ് അറസ്റ്റില്, അന്പതോളം തട്ടിപ്പ്കേസുകളിലെ പ്രതിയാാണ്പിടിയിലായത്
എടത്വാ: കുപ്രസിദ്ധ തട്ടിപ്പുവീരന് ജയപ്രകാശ് എടത്വാ പോലീസിന്റെ പിടിയില്. നീരേറ്റുപുറം ക്യഷ്ണവിലാസം ഗോപിനാഥ പിള്ളയുടെ മകന് ജയപ്രകാശാണ് എടത്വാ പോലീസിന്റെ പിടിയിലായത്. സ്ഥലം വാങ്ങിതരാമെന്ന് പറഞ്ഞ് ചക്കുളം കുതിരച്ചാല് കൃഷ്ണകുമാറിന്റെ കൈയ്യില് നിന്ന് അഞ്ച് ലക്ഷം രൂപ തട്ടിയെടുത്ത കേസില് ഒളിവിലായിരുന്നു.
ഇയാള് തിരുവല്ല ഭാഗത്ത് ഒളിവില് കഴിയുന്നെന്ന രഹസ്യ വിവരത്തെ തുടര്ന്ന് എടത്വാ എസ്.ഐ കെ.ജി രതീഷിന്റെ നേതൃത്വത്തിലുള്ള പോലീസ് സംഘം സ്ഥലം കണ്ടെത്തി അതിന് അടുത്തുള്ള സ്ഥലത്ത് തമ്പടിച്ചു. പോലീസ് എത്തിയെന്ന് സംശയം തോന്നിയ ജയപ്രകാശ് അയാളുടെ സിയെല്ലോ കാറില് രക്ഷപെടാന് ശ്രമിച്ചെങ്കിലും പോലീസ് സാഹസികമായി പിടികൂടുകയായിരുന്നു.
നെടുമുടി, വള്ളികുന്നം, തൃക്കൊടിത്താനം, ചങ്ങനാശ്ശേരി, തിരുവല്ല, മല്ലപ്പള്ളി എന്നീ സ്ഥലങ്ങളില് നിന്ന് ജോലി വാഗ്ദാനം നല്കി നിരവധി ആളുകളുടെ കൈയ്യില് നിന്ന് ലക്ഷങ്ങള് പറ്റിച്ചതുള്പ്പെടെ അന്പതോളം തട്ടിപ്പ് കേസില് പ്രതിയാണ്. വര്ഷങ്ങളായി പല പേരിലും, വേഷത്തിലും വിവിധ സ്ഥലങ്ങളില് പോലീസിനെ കബളിപ്പിച്ച് ഒളിവില് കഴിഞ്ഞു വരുകയായിരുന്നു. എസ്.ഐയെ കൂടാതെ സീനിയര് സി.പി.ഒമാരായ പ്രേംജിത്ത്, ഷൈലേഷ് കുമാര്, സിജിറാം എന്നിവര് ചേര്ന്നാണ് ജയപ്രകാശിനെ പിടികൂടിയത്.
Click it and Unblock the Notifications
Sign in with Google