ആലപ്പുഴ കുട്ടനാട്ടില് പക്ഷിപ്പനി സ്ഥിരീകരിച്ചു; പ്രതിരോധ പ്രവര്ത്തനങ്ങള്ക്കായി 10 ടീമുകള്
ആലപ്പുഴ: കുട്ടനാട്ടില് പക്ഷിപ്പനി സ്ഥിരീകരിച്ചു. വളര്ത്തു പക്ഷികളില് H5N1 വൈറസാണ് സ്ഥിരീകരിച്ചിരിക്കുന്നത്. ഈ സാഹചര്യത്തില് ജില്ലയിലെ 11 പഞ്ചായത്തുകളില് നിന്ന് താറാവുകളെയും മറ്റ് വളര്ത്തു പക്ഷികളെയും കൈമാറുന്നതിനും കൊണ്ടു പോകുന്നതിനും നിരോധനമേര്പ്പെടുത്തിയിട്ടുണ്ട്. രോഗം ആദ്യം സ്ഥിരീകരിച്ച തകഴി പഞ്ചായത്തിവലെ താറാവുകളെ കൊന്നൊടുക്കാന് കളക്ട്രേറ്റില് ചേര്ന്ന അടിയന്തര യോഗത്തിന് ശേഷം തീരുമാനമായി.
ജില്ലയിലെ പ്രതിരോധ പ്രവര്ത്തനങ്ങള്ക്കായി 10 ടീമുകളെ നിയോഗിച്ചിട്ടുണ്ട്. ക്രിസ്തുമസ് വിപണി അടുത്തിനില്ക്കുന്ന സാഹചര്യത്തില് താറാവുകളില് രോഗം സ്ഥിരീകരിച്ചതോടെ കര്ഷകര് ആശങ്കയിലാണ്.
രോഗബാധ സ്ഥിരീകരിച്ച മേഖലകളില് താറാവ് , കോഴി , കാട , വളര്ത്തുപക്ഷികള് ഇവയുടെ മുട്ട, ഇറച്ചി , കാഷ്ടം ( വളം ) എന്നിവയുടെ ഉപയോഗവും വിപണനവും നിര്ത്തിയവയ്ക്കണമെന്ന് കളക്ടര് അറിയിച്ചു. ചമ്പക്കുളം , നെടുമുടി , മുട്ടാര് , വീയപുരം , കരുവാറ്റ , തൃക്കുന്നപ്പുഴ , തകഴി , പുറക്കാട് , അമ്പലപ്പുഴ തെക്ക് , അമ്പലപ്പുഴ വടക്ക് , എടത്വ പഞ്ചായത്തുകളിലും ഹരിപ്പാട് നഗരസഭാ മേഖലയിലുമാണ് ഈ നിയന്ത്രണം ബാധകമാകുക.
തകഴി പഞ്ചായത്ത് 10ാം വാര്ഡില് ഒരു കിലോമീറ്റര് ചുറ്റളവിലുള്ള പ്രദേശത്തെ പക്ഷികളെ കൊന്ന് സുരക്ഷിതമായി മറവു ചെയ്യുന്നതിനുള്ള നടപടികള് അടിയന്തരമായി പൂര്ത്തീകരിക്കാനും യോഗത്തില് തീരുമാനമായി. ഈ പ്രവര്ത്തനങ്ങള്ക്ക് പിന്തുണ നല്കുന്നതിനും പ്രദേശത്ത് നിരീക്ഷണം നടത്തുന്നതിനും പോലീസിന് നിര്ദേശം നല്കി.
ഈ വാര്ഡില് പക്ഷിപ്പനി സ്ഥിരീകരിച്ച പ്രദേശത്തെ കണ്ടെയ്ന്മെന്റ് സോണായി പ്രഖ്യാപിച്ചു. ഇവിടേയ്ക്കും ഇവിടെ നിന്ന് പുറത്തേക്കും ആളുകളുടെയും വാഹനങ്ങളുടെയും സഞ്ചാരം നിരോധിച്ചു. റാപ്പിഡ് റെസ്പോണ്സ് ടീമുകളുടെ സേവനം ഉറപ്പാക്കിയാണ് മൃഗസംരക്ഷണ വകുപ്പ് പക്ഷികളെ മറവുചെയ്യുക. രോഗം സ്ഥിരീകരിച്ച മേഖലകളില് ആര്.ആര്.ടികളെ നിയോഗിച്ച് ജനങ്ങള്ക്ക് പ്രതിരോധ മരുന്നുകള് വിതരണം ചെയ്യും.
ദേശാടനപ്പക്ഷികള്ക്ക് രോഗം ബാധിച്ചിട്ടുണ്ടോ എന്ന് നിരീക്ഷിക്കുന്നതിനും ഇവടെ പരിശോധിക്കുന്നതിനും അസിസ്റ്റന്റ് ഫോറസ്റ്റ് കണ്സര്വേറ്ററെ ചുമതലപ്പെടുത്തി. പക്ഷിപ്പനിയുമായി ബന്ധപ്പെട്ട പ്രതിരോധപ്രവര്ത്തനങ്ങളുടെ ദൈനംദിന റിപ്പോര്ട്ട് സമര്പ്പിക്കണമെന്ന് മൃഗസംരക്ഷണ വകുപ്പിന് കളക്ടര് നിര്ദേശം നല്കി.
Recommended Video
യോഗത്തില് ഡെപ്യൂട്ടി കളക്ടര് ആശ സി. എബ്രഹാം ( ഡി എം ) , ജില്ലാ സര്വ്വൈലന്സ് ഓഫീസര് ഡോ. ദീപ്തി , ജില്ലാ മൃഗസംരക്ഷണ വകുപ്പ് ഓഫീസര് ഡോ. എ ജി. ജിയോ , അമ്പലപ്പുഴ തഹസില്ദാര് പ്രീത പ്രതാപന് , പുറക്കാട് ഗ്രാമപഞ്ചായത്ത് പ്രസിഡന്റ് എ എസ് സുദര്ശനന് , ചീഫ് വെറ്ററിനറി ഓഫീസര് ഡോ. എസ് ജെ ലേഖ , ഡോ. എല് ജെ കൃഷ്ണ കിഷോര് , തദ്ദേശ സ്ഥാപനങ്ങളുടെ പ്രതിനിധികള് , വിവിധ വകുപ്പ് ഉദ്യോഗസ്ഥര് തുടങ്ങിയവര് പങ്കെടുത്തു.
Click it and Unblock the Notifications
Sign in with Google