Click it and Unblock the Notifications
Just In
Don't Miss
-
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
കേസുകള്‍ വര്‍ദ്ധിക്കുന്നു; ആലപ്പുഴയില്‍ സൈബര്‍ പൊലീസ് സ്റ്റേഷന് പ്രവര്‍ത്തനം ആരംഭിച്ചു
ആലപ്പുഴ: സൈബര്‍ കേസ്സുകള്‍ വര്‍ദ്ധിച്ചുവരുന്ന സാഹചര്യത്തില്‍ ആലപ്പുഴ ജില്ലയില്‍ സൈബര്‍ കേസുകളില്‍ അന്വേഷണം നടത്തുവാന്‍ രൂപീകരിച്ച സൈബര്‍ പോലീസ് സ്റ്റേഷന് മുഖ്യമന്ത്രി പിണറായി വിജയന്‍ ഓണ്‍ലൈനില്‍ ഉദ്ഘാടനം ചെയ്തു. ആലപ്പുഴ ജില്ല പോലീസ് ട്രെനിംങ് സെന്‍ന്ററി ല്‍ വച്ച് കോവിഡ് മാനദണ്ഡം പാലിച്ചുകൊണ്ട് നടത്തിയ ചടങ്ങില്‍ അഡീഷണല്‍ എസ്.പി എന്‍. രാജന്‍, ഡി.എച്ച്.ക്യൂ ഡി.സി വി.സുരേഷ് ബാബു, ജില്ലയിലെ മറ്റു മുതിര്‍ന്ന പോലീസ് ഉദ്യോഗസ്ഥര്‍എന്നിവര്‍ പങ്കെടുത്തു.
നിലവില്‍ ജില്ലാ പോലീസ് മേധാവിയുടെ ഓഫീസില്‍ പ്രവര്‍ത്തിക്കുന്ന സൈബര്‍ സെല്‍തന്നെയാണ് സൈബര്‍ പോലീസ് സ്റ്റേഷനായി ക്രമീകരിച്ചത്. ആലപ്പുഴ സൌത്ത് ഇന്‍സ്‌പെക്ടര്‍ എം.കെ രാജേഷിനാണ് സൈബര്‍ സ്റ്റേഷന്റെ ചുമതല. ഓണ്‍ലൈന്‍ മുഖേനയുള്ള തട്ടിപ്പുകള്‍, സോഷ്യല്‍ മീഡിയ വഴിയുള്ള ഗുരുതരമായ കുറ്റകൃത്യങ്ങള്‍ തുടങ്ങിയ പരാതികളിന്‍മേലാണ് അന്വേഷണം. മറ്റ് പോലീസ് സ്റ്റേഷനുകളില്‍ രജിസ്റ്റര്‍ ചെയ്ത് അന്വേഷിക്കുന്ന പരാതികളില്‍ സാങ്കേതിക സഹായം മുമ്പ് നല്‍കിയിരുന്നതുപോലെ തുടരും.
ഡേറ്റ തട്ടിപ്പ്, സാമൂഹിക മാധ്യമങ്ങള്‍ മഖേനയുള്ള ഗുരുതര കുറ്റകൃത്യങ്ങള്‍, ബാങ്ക് അക്കൗണ്ട് ഹാക്ക് ചെയ്യുന്നതടക്കമുള്ള പ്രധാനപ്പെട്ട കേസുകളാണ് സൈബര്‍ പോലീസ് സ്റ്റേഷനില്‍ അന്വേഷിക്കുക. സൈബര്‍ തട്ടിപ്പുമായി ബന്ധപ്പെട്ട പരാതികളെല്ലാം എല്ലാ പോലീസ് സ്റ്റേഷനുകളിലും സ്വീകരിക്കുകയും പ്രഥമവിവരം രേഖപ്പെടുത്തുകയുംചെയ്യും. കുറേകൂടി വിപുലമായി അന്വേഷിക്കേണ്ടതാണന്ന് ബോധ്യപ്പെട്ടാല്‍ പോലീസ് സ്റ്റേഷനുകളില്‍നിന്ന് ജില്ലാ പോലീസ് മേധാവിക്ക് റിപ്പോര്‍ട്ട് നല്‍കും. ആവശ്യമെങ്കില്‍ ജില്ലാ പോലീസ് മേധാവി അത് സൈബര്‍ പോലീസ് സ്റ്റേഷന് കൈമാറും.
0477-2230804 ആണ് സൈബര്‍ പോലീസ് സ്റ്റേഷന്റെ ഫോണ്‍ നമ്പര്‍.സൈബര്‍ സംബന്ധ മായ കേസുകളുടെ അന്വേഷണത്തിലും മറ്റും സാങ്കേതിക ജ്ഞാനം നേടിയ പോലീസ് ഉദ്യോഗസ്ഥരുടെ മികച്ച സേവനം സൈബര്‍ പോലീസ് സ്റ്റേഷന് മുതല്‍ക്കൂട്ടാവുമെന്ന് ആലപ്പുഴ ജില്ലാ പോലീസ് മേധാവി പി. എസ് സാബു ഐ. പി .എസ് പറഞ്ഞു.
