• search
  • Live TV
ആലപ്പുഴ വാർത്തകൾക്ക്
നോട്ടിഫിക്കേഷൻ അനുവദിക്കൂ  

കയര്‍ തൊഴിലാഴികള്‍ക്ക് 100 കോടി നല്‍കുമെന്നു മന്ത്രി തോമസ് ഐസക്ക്

ആലപ്പുഴ- ഓണക്കാലത്ത് കയര്‍തൊഴിലാളികള്‍ക്കു 100 കോടി രൂപയുടെ ആനുകൂല്യം വിതരണം ചെയ്യുമെന്ന് മന്ത്രി ടി.എം.തോമസ് ഐസക്ക്. കയര്‍ വികസന വകുപ്പിന്റെ നേതൃത്വത്തില്‍ കയര്‍ തൊഴിലാളികള്‍ക്കുള്ള ധനസഹായങ്ങളുടെ വിതരണോദ്ഘാടനം നിര്‍വഹിക്കുകയായിരുന്നു മന്ത്രി. കേരള ടൂറിസം പോലെ കേരള കയര്‍ എന്നത് ഒരു ബ്രാന്‍ഡാക്കി മാറ്റുമെന്നും അദ്ദേഹം പറഞ്ഞു.

തൊഴിലാളികളുടെ പെന്‍ഷന്‍ വിതരണത്തിനു മാത്രം 36 കോടി രൂപയാണ് ചെലവഴിക്കുന്നത്. കുടിശികയടക്കം നാലുമാസത്തെ പെന്‍ഷന്‍ നല്‍കും. 7,000 പേര്‍ക്ക് ഈ ആനുകൂല്യം ലഭിക്കും. കയര്‍തൊഴിലാളികള്‍ക്ക് വിരമിക്കല്‍ ആനുകൂല്യം ആദ്യമായി നല്‍കിയത് എല്‍ഡിഎഫ് സര്‍ക്കാരാണ്. കഴിഞ്ഞ യുഡിഎഫ് സര്‍ക്കാര്‍ അത് നടപ്പാക്കിയില്ല. കയര്‍ വ്യവസായത്തിന്റെ ഗതി മുന്നോട്ട് തന്നെയാണ്.

കഴിഞ്ഞ വര്‍ഷം 68,000 ക്വിന്റന്‍ സംഭരിച്ചെങ്കില്‍ ഇത്തവണ ഒന്നര ലക്ഷത്തിനടുത്ത് സംഭരിക്കാന്‍ കഴിഞ്ഞു. കാലവര്‍ഷക്കെടുതി മൂലം 3,000 കോടി രൂപയുടെ അധിക ചെലവ് ഉണ്ടായതായി കരുതുന്നു. എന്നാല്‍ ജനങ്ങള്‍ ആശങ്കപ്പെടേണ്ടന്നും ആവശ്യത്തിനുള്ള പണം കണ്ടെത്തുമെന്നും മന്ത്രി പറഞ്ഞു. ചടങ്ങില്‍ മന്ത്രി പി.തിലോത്തമന്‍ അധ്യക്ഷത വഹിച്ചു. അപ്പക്‌സ് ബോഡി ഫോര്‍ കയര്‍ വൈസ് ചെയര്‍മാന്‍ ആനത്തലവട്ടം ആനന്ദന്‍, കയര്‍ വികസന വകുപ്പ് ഡയറക്ടര്‍ എന്‍.പത്മകുമാര്‍, ജില്ലാ പഞ്ചായത്ത് പ്രസിഡന്റ് ജി.വേണുഗോപാല്‍, കയര്‍ കോര്‍പ്പറേഷന്‍ ചെയര്‍മാന്‍ ആര്‍.നാസര്‍, കയര്‍ മെഷീന്‍ ഫാക്ടറി ചെയര്‍മാന്‍ കെ.പ്രസാദ്,കയര്‍ഫെഡ് ചെയര്‍മാന്‍ എന്‍.സായികുമാര്‍, മത്സ്യഫെഡ് ചെയര്‍മാന്‍ പി.പി.ചിത്തരഞ്ജന്‍,എന്നിവര്‍ പ്രസംഗിച്ചു.

English summary
Coir labourers will be given 100 crores of rupees
Get Instant News Updates
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more