ചെന്നിത്തലയുടെ പഞ്ചായത്തില് കോണ്ഗ്രസ് പിന്തുണയോടെ പ്രസിഡന്റ് പദവി വേണ്ടെന്ന് സിപിഎം
ആലപ്പുഴ:പ്രതിപക്ഷ നേതാവ് രമേശ് ചെന്നിത്തലയുടെ തൃപ്പെരിന്തുറ പഞ്ചായത്തില് കോണ്ഗ്രസ് പിന്തുണയോടെ നേടിയ പ്രസിഡന്റ് സ്ഥാനം രാജിവെക്കണമെന്ന് സിപിഎം. സിപിഎം ആലപ്പുഴ ജില്ല കമ്മിറ്റിയുടേതാണ് നിര്ദേശം. സംസ്ഥാന കമ്മിറ്റി തീരുമാനത്തിന് വിരുദ്ധമായുള്ള നിലപാട് സംസ്ഥാനത്തൊട്ടാകെ പാര്ട്ടിക്കെതിരായ വികാരം ഉണ്ടാക്കുന്നതായി കമ്മറ്റി വിലയിരുത്തി. പാര്ട്ടി നയത്തിന് വിരുദ്ധമായ പ്രാദേശിക കൂട്ടുകെട്ടുകള് തിരുത്തപ്പെടണം. നിയമസഭാ തിരഞ്ഞെടുപ്പ് അടുത്തിരിക്കെ ബിജെപി ഇത് പ്രചരണ ആയുധമാക്കാന് ശ്രമിക്കുന്നതായും ജില്ല കമ്മിറ്റി വിലയിരുത്തി. ഇതിന്റെ അടിസ്താനത്തിലാണ് രാജി ആവശ്യപ്പെട്ടത്.
പ്രതിപക്ഷ നേതാവ് രമേശ് ചെന്നിത്തലയുടെ തൃപ്പെരുന്തുറ പഞ്ചായത്തില് കോണ്ഗ്രസ് പിന്തുണയോടെ സിപിഎം പ്രസിഡന്റ് പദവി നേടിയത് വലിയ വാര്ത്തയായിരുന്നു. ഇവിടെയുള്ളത് എല്ഡിഎഫ്-യുഡിഎഫ് കൂട്ടുകെട്ടാണെന്നും ചെന്നിത്തലയുടെ പഞ്ചായത്തില് നിന്ന് തുടങ്ങിയ കൂട്ടുകെട്ട് വരും കാല നിയമസഭ തിരഞ്ഞെടുപ്പില് എല്ഡിഎഫും യുഡിഎഫും ഒറ്റക്കെട്ടായി നീങ്ങുന്നതിന്റെ സൂചനയാണെന്നും ബിജെപി ആരോപിച്ചിരുന്നു.